Buyuk Britaniya Milliy jinoyat agentligi kanadalik oshpazning ehtimoliy ishtirokidagi 88 ta o‘lim holatini tekshirmoqda. Bu haqda The Guardian xabar berdi.
Qayd etilishicha, 57 yoshli Kennet Lou zahar solingan paketchalarni internet orqali sotishda ayblanmoqda.
Aprel oyida agentlik ko‘plab odamlar internet-do‘konlardan o‘z joniga qasd qilishga yordam beruvchi moddalarni sotib olayotgani haqida ma’lumot olgan. Zaharli moddaga buyurtma bergan 232 nafar britaniyalik mijoz haqidagi ma’lumotlar Kanadada Interpol xalqaro qidiruv tashkiloti ro‘yxatiga kiritilgan. Keyinchalik ularning 88 nafari vafot etgani ma’lum bo‘ldi.
Kanadadagi tergov davomida huquq-tartibot idoralari xodimlari elita mehmonxonalardan birining oshpazi Kennet Lou zahar yetkazib beruvchi bo‘lganini fosh qildi.
May oyida u hibsga olindi va 40 ta mamlakatda o‘z joniga qasd qilishni rejalashtirgan odamlarga 1 200 dan ortiq zahar paketchasini onlayn sotishda ayblandi. Shu bilan birga, ushbu to‘plamlarning qanchasi zaharli modda bilan to‘ldirilgani moma’lum. AQSH, Italiya, Avstraliya va Yangi Zelandiyada ham tekshiruvlar olib borilmoqda.
Kanadaning Ontario provinsiyasidagi Pil mintaqaviy politsiyasining aytishicha, erkak internetda natriy nitrit moddasini sotgan, bu ba’zan oziq-ovqat sanoatida qo‘llaniladigan oq kristalli modda bo‘lib, “haddan tashqari konsentrlangan modda kislorodni kamaytirishi, nafas olishni buzishi va o‘limga olib kelishi mumkin”. Kanadalik erkak niqoblar ham sotgan.
Izoh (0)