BRICS саммити майдонида Хитой етакчиси Си Цзиньпин Ҳиндистон бош вазири Нарендра Модига мамлакатлар чегарасидаги кескинликни пасайтириш бўйича “саъй-ҳаракатларни фаоллаштириш”ни таклиф қилди, деб хабар бермоқда CNN.
Хитой Ташқи ишлар вазирлиги мамлакат раҳбарлари “ҳозирги Хитой—Ҳиндистон муносабатлари юзасидан очиқ ва чуқур фикр алмашганини” маълум қилди. Ҳиндистон Ташқи ишлар вазирлиги баёнотида ҳам “томонлар чегара масалаларини ҳал қилиш бўйича ижобий, конструктив ва чуқур музокара ўтказган”и айтилади.
Ҳимолайда Ҳиндистон ва Хитой ўртасида умумий тан олинган чегара йўқ. 1962 йилда икки давлат ўртасидаги чегара урушидан кейин узунлиги 4 000 километрдан ортиқ бўлган назорат чизиғи тасдиқланган. Аммо Пекин ва Нью-Деҳли бу ҳудудлар ҳақида баҳслашишда давом этмоқда.
Охирги можаролардан бири 2020 йил июнь ойида юз берди. Ўшанда чегарадаги тўқнашувлар оқибатида 20 нафар ҳинд аскари ҳалок бўлди. Нью-Деҳли, шунингдек, рақамларни кўрсатмасдан, Хитой томонининг йўқотишлари ҳақида хабар берди. Воқеа сабаби сифатида Ҳиндистон расмийлари Хитой томонидан статус-квонинг бузилишини келтирди. Январь ойида Reuters Ҳиндистон—Хитой чегарасида янги можаро хавфи ҳақида ёзди.
Изоҳ (0)