30 августдан 31 августга ўтар кечаси Ер аҳолиси ноёб астрономик ҳодиса — супер Ойни кузатиши мумкин. Бу ҳақда Боку давлат университети астрофизика кафедрасига таяниб, “Report.аz” хабар берди.
Ойнинг Ер атрофида эллипс бўйлаб айланиши туфайли супер Ой ҳодисаси юз беради. Маълум бир вақтда у Ерга энг яқин нуқтада бўлиб, бу перигей деб аталади. Бу вақтда Ой одатдагидан 14 фоизга каттароқ ва 30 фоизга ёрқинроқ кўринади.
Ой 30 август куни Боку вақти билан соат 19:52 да (Тошкент вақти билан 20:52) Ерга энг яқин нуқтада бўлиши ва 31 август куни соат 05:37 да (Тошкент вақти билан 06:37) тўлин ой фазасига кириши кутилмоқда.
Ушбу ҳодисалар орасидаги интервал 9 соат 45 дақиқани ташкил этади. Перигейда Ойгача бўлган масофа — 357 181 километр. Шундай экан, 2023 йил 31 августда кузатиладиган супер Ойни йилнинг энг йирик супер Ойи деб аташ мумкин.
Изоҳ (0)