Суперлига. “Андижон” ўзида “Олимпик” устидан ғалаба қозонди 

Футбол бўйича Ўзбекистон Суперлигасининг 17-туридан ўрин олган баҳсда “Андижон” 21 август, душанба куни “Олимпик”ка қарши баҳс олиб борди.

Учрашувнинг 3-дақиқасида Рубин Ҳебай андижонликларни ҳисобда олдинга олиб чиқди. 19-дақиқада эса Алишер Одилов мувозанатни тиклади. Биринчи бўлимда дуранг натижа қайд этилди.

Иккинчи бўлимда эса мезбонлар фаолликни оширди ва 51-дақиқада Армин Бошнякнинг голи эвазига яна бир бор ҳисобда олдинга чиқиб олди. Қолган дақиқаларда гол урилмади ва ўйин “Андижон”нинг ғалабаси билан якунланди.

“Андижон” очколари сонини 24 тага етказди ва 7-ўринга кўтарилиб олди. “Олимпик” эса 17 очко билан 10-поғонани банд этган.

Суперлига

17-тур баҳси

21 август, душанба

“Андижон” – “Олимпик” 2:1

Голлар: 1:0 — 3 Рубен Ҳебай, 1:1 — 19 Алишер Одилов, 2:1 —  51 Армин Бошняк.

“Андижон”: 72. Игор Литовка, 5. Абдувоҳид Ғуломов, 9. Леван Арвеладзе, 10. Илҳомжон Абдиғаниев (7. Бобурбек Фарҳодов, 85), 17. Фарҳоджон Соҳибжонов, 19. Суҳроб Бердиев (8. Фарҳодбек Бекмуратов, 77), 21. Илдар Маматказин, 28. Исломбек Маматказин, 66. Илҳомжон Алижонов, 94. Армин Бошняк (11. Сардор Абдунабиэв, 68), 99. Рубин Ҳебай.

“Олимпик”: 13. Ҳамидулло Абдунабиев, 2. Саидазамат Мирсаидов, 4. Одилбек Абдумажидов, 7. Иброҳим Ибрагимов (9. Шаҳзод Акрамов, 60), 11. Отабек Жўрақўзиев (10. Фарруҳ Мухторов, 88), 17. Темур Мамасидиқов (16. Риан Исломов, 71), 21. Саидафзалхон Аҳроров, 23. Абдурауф Бўриев, 30. Жасурбек Жалолиддинов (8. Нодир Абдихолиқов, 88), 37. Алишер Одилов (77. Шерзод Эсанов, 71) 44. Асадбек Раҳимжонов.

Огоҳлантиришлар: Абдурауф Бўриев (5), Жасур Жалолиддинов (57), Илдар Маматказин (76), Сардор Абдунабиэв (77), Игор Литовка (90).