Сурхондарёнинг Денов туманида Жанубий Кореяга ишга юборишини айтиб фирибгарлик қилган эркак ушланди. Бу ҳақда Бош прокуратура ҳузуридаги департамент хабар берди.
Департаментнинг Денов туман бўлими томонидан ДХХ ходимлари билан ҳамкорликда ўтказилган тезкор тадбирда фуқаро О.Ю. фуқаро Қ.И.ни 12 000 доллар эвазига Жанубий Кореяга ишлаш учун юборишни ваъда қилиб, олдиндан 48 миллион сўм ва 2 000 АҚШ долларини олган вақтида ашёвий далиллар билан ушланган.
Шунингдек, О.Ю. муқаддам икки нафар фуқарони ушбу давлатга ишга юбориш эвазига 4 800 доллар ва 88 миллион сўмни фирибгарлик йўли билан қўлга киритгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)