Маҳорат билан ижро этилган импровизация баъзан машқ қилинган саҳнадан яхшироқ натижа беради. Кино оламда бундай ҳолатларга кўплаб мисол келтириш мумкин. Қуйида актёрларнинг эмоциялари ҳақиқий бўлган машҳур фильмлардаги саҳналар ҳақида маълумот берилади.
“Шарпа овчилари”
Қаҳрамонлар ортидаги китоб жавонининг қулаши сценарийдаги трюк эмасди, у дубль вақтида ўз-ўзидан тушиб кетган. Актёрлар қўрқиб, атрофга қараган. Кейин Билл Мюррей Ден Эйкройдга қараган ва ундан олдин шунга ўхшаш нарса бўлганми, деб сўраган. Режиссёрга импровизация шу қадар ёқдики, у бу саҳнани фильмда сақлаб қолишга қарор қилди.
“Нарния салтанати: Шер, жодугар, сеҳрли шкаф”
“Нарния салтанати” фильми режиссёри Эндрю Адамсон кичкина актриса Жоржи Хенлига Нарния олами учун қурилган суратга олиш майдончасини кўрсатмасликка қарор қилган. Шундан кейин Люси сеҳрли шкаф ичига кирганда, ҳақиқатан ҳам қорли ўрмонни биринчи марта кўради.
“Титаник”
Роуз коридорлар бўйлаб Жекни қидираётган саҳнанинг декорациясида ишлатилган сув аслида океандан олинган. Сув шу қадар совуқ бўлганки, Роузнинг овози бўғилиб қолган ва бу Кейт Уинслетнинг ҳақиқий реакцияси бўлган.
“У”
Гараж билан боғлиқ саҳнани суратга олишдан олдин, ёш актёрлар Финн Вулфхард, София Лиллис, Жаден Мартелл Билл Скарсгардни тўлиқ грим ва костюмда кўрмаган эди. Шунинг учун улар қўрқинчли масхарабозни кўрганида, жуда қўрқиб кетишади. Уларнинг кўзларида сохта қўрқувни эмас, ҳақиқий даҳшатни кўриш мумкин.
“Тор”
Фильмдаги Один ролини Энтони Хопкинс ижро этган. Таниқли актёр Тор Асгарддан ҳайдалган саҳнада ўз истеъдодини намойиш этиш имкониятига эга бўлди. Режиссёр Хопкинсга импровизация қилишга рухсат берди, шунинг учун у жуда кучли монологни тақдим этди, бу барчани, жумладан Том Хидлстонни ҳам йиғлатди. Актёр жуда самимий тарзда кўзёш тўккан.
“Гарри Поттер ва Феникс жамияти”
Гарри, Рон ва Гермиона Гриффиндор хонасида Гаррининг биринчи бўсасини муҳокама қилмоқда. Гермиона Чжоунинг бошдан кечирган ҳиссиётлари ҳақида гапиради ва Роннинг ҳайратига жавобан: “Сизда тиш ковлагич каби ҳиссий диапазон бор (асл нусхада – “чой қошиқдек”). Бу ибора китобда ҳам, сценарийда ҳам бор эди, бироқ бу шунчалик ғалати эшитилганидан уларнинг учаласи ҳам чин дилдан кула бошлади. Натижада фильмдаги энг ҳиссиётга бой саҳналардан бири суратга олинди.
Изоҳ (0)