Баъзан кичик саҳнани суратга олиш учун режиссёрлар бир нечта, ҳатто ўнлаб кадр олишлари керак. Шу сабабли суратга олиш охирида детал қандай жойлашганини, шунингдек, актёрнинг қайси позицияда бўлганини кузатиш қийин.
“Минора” (2022) фильмида темир нарвон кўчиб, зинапоялар жойидан силжиб қолади. Агар зинапоянинг силжиган пайтини диққат билан кўриб чиқсангиз, бутун зинапоянинг қандай қўзғалганини ва минорада оёқ қўйишга жой қолмаганини кўришингиз мумкин.
“Менинг тимсоҳим” (2022) фильми ўртасида Жош ва унинг ўгай онаси Кети Примм йўлакда гаплашаётган саҳна бор. Орқа фонда ўткинчиларнинг қаҳрамонлар томон юрганларини ва ракурс ўзгарганда улар қаергадир ғойиб бўлишини кўриш мумкин. Тўқ сариқ рангли футболкадаги ўша аёл Жош ва Кетининг ёнидан бир неча марта ва бир хил томонга ўтади.
“Трансформeрлар: Махлуқлар юксалиши” (2023) фильмида қаҳрамонлардан бири болалар рациясидан фойдаланиб, минглаб километр узоқликдаги суҳбатдошини эшитади.
Қора пантера: абадий Ваканда” (2022) фильмининг бошида одамлар Ваканда қиролининг тобутини кўтаради. Кўриниб турибдики, тобутда 6 та тутқич бор. Аммо у самолётга кўтарилганида, тутқичлар 4 та бўлиб қолади.
Худди шу фильмда Рири ва Шури ётоқхонада гаплашаётган саҳна бор. Рирининг елкасига тушиб турган сочлари сони тез-тез ўзгариб туради.
“Анчартед: харитада йўқ маскан” (2022) жанговар саргузашт фильмида Нейт ва Хлоя Фрэйзер Барселона кўчалари остидаги қадимий Рим омборидан туз тўлдирилган тўртта хум топади. Хумлар ёрилиб кетганда, тўкилган туз ҳар ёққа бир текисда ёйилади. Аммо туз жуда нам тортадиган минералдир. Шаҳар кўчалари остида, ёпилмаган идишда ва нам муҳитда сақланаётган тузнинг, айниқса, 500 йил ичида битта улкан қаттиқ моддага айланиб қолмаслиги мумкин эмас.
“Индиана Жонс ва тақдир ғилдираги” (2023) фильми — саргузаштларсиз яшай олмайдиган археолог ҳақидаги сериалнинг бешинчи ва охирги қисми қўпол хатолар ва ноаниқликларга тўла. Мисол учун, ёвуз одамлар ғорлар бўйлаб Индианани тақиб қилишганда, эски ёғоч кўприк синади ва деярли қулаб тушади. Бироқ ёвуз одамлар қочганда фақат бир нечта ёғоч тахталар синган, кўприк эса яроқли ҳолда.
“Юра даври дунёси: ҳукмронлик” (2022) фильмида ҳам жуда кўп хато ва ноаниқликлар мавжуд. Мисол учун, Элли ва Алан BiоSyn Genetics Wildlife Refuge’га борадиган саҳнада вертолёт ойнаси уларнинг булутларнинг зич қатлами устида учаётганини кўрсатади. Бироқ ташқаридаги манзара тасвирланган кадрларда булут кўринмайди.
Худди шу фильмда Мейси хонасига киргач, эшикни шу қадар қаттиқ ёпадики, жавондаги баъзи буюмлар тушиб кетади. Бир неча сониядан сўнг Клер эшикни очиш учун юрганида, тушиб кетган нарсалар жойида эканлиги кўринади.
Худди шу фильмда Элли динозавр боласини ушлаганда иккала қўли билан юзидан ушлаб туради. Бир сония ҳам ўтмай унинг чап қўли бетон тўсиқда, ўнг қўли билан эса ҳайвонни шохидан ушлаб турганини кўриш мумкин.
“Йўқолган шаҳар” (2022) фильмининг бошида Сандра Буллокнинг қаҳрамони ғазабдан ахлат қутисини тепади. Урна йиқилади, лекин ичидаги ахлатлар тўкилмайди. Бир сониядан сўнг актрисанинг оёғи остида бир неча қаҳва идишлари пайдо бўлади.
“Мен таниган одам” (2023) фильмидаги саҳналардан бирида Элли салфеткасини ғижимлаб, стол устига қўяди. Шундан сўнг қандайдир тушунарсиз тарзда стол устидаги салфетканинг шакли ва ўрни бир неча марта ўзгаради.
“Жон Уик” (2023) фильмида бош қаҳрамон ёмон боланинг кийимидаги нишонни ечиб, кўйлагининг олдинги ўнг чўнтагига солиб қўяди. Бир неча дақиқадан сўнг, Уик нишонни кўйлагининг чап чўнтагидан чиқаради.
“Ҳалокат” (2023) фильмида биринчи ҳалокатли қўниш пайтида иккинчи учувчи хавфсизлик камарини боғлайди. Кейин бир кадрда камар очилади, кейин яна маҳкамланади, кейин яна очилади ва ҳоказо.
Изоҳ (0)