Mahorat bilan ijro etilgan improvizatsiya ba’zan mashq qilingan sahnadan yaxshiroq natija beradi. Kino olamda bunday holatlarga ko‘plab misol keltirish mumkin. Quyida aktyorlarning emotsiyalari haqiqiy bo‘lgan mashhur filmlardagi sahnalar haqida ma’lumot beriladi.
“Sharpa ovchilari”
Qahramonlar ortidagi kitob javonining qulashi ssenariydagi tryuk emasdi, u dubl vaqtida o‘z-o‘zidan tushib ketgan. Aktyorlar qo‘rqib, atrofga qaragan. Keyin Bill Myurrey Den Eykroydga qaragan va undan oldin shunga o‘xshash narsa bo‘lganmi, deb so‘ragan. Rejissorga improvizatsiya shu qadar yoqdiki, u bu sahnani filmda saqlab qolishga qaror qildi.
“Narniya saltanati: Sher, jodugar, sehrli shkaf”
“Narniya saltanati” filmi rejissori Endryu Adamson kichkina aktrisa Jorji Xenliga Narniya olami uchun qurilgan suratga olish maydonchasini ko‘rsatmaslikka qaror qilgan. Shundan keyin Lyusi sehrli shkaf ichiga kirganda, haqiqatan ham qorli o‘rmonni birinchi marta ko‘radi.
“Titanik”
Rouz koridorlar bo‘ylab Jekni qidirayotgan sahnaning dekoratsiyasida ishlatilgan suv aslida okeandan olingan. Suv shu qadar sovuq bo‘lganki, Rouzning ovozi bo‘g‘ilib qolgan va bu Keyt Uinsletning haqiqiy reaksiyasi bo‘lgan.
“U”
Garaj bilan bog‘liq sahnani suratga olishdan oldin, yosh aktyorlar Finn Vulfxard, Sofiya Lillis, Jaden Martell Bill Skarsgardni to‘liq grim va kostyumda ko‘rmagan edi. Shuning uchun ular qo‘rqinchli masxarabozni ko‘rganida, juda qo‘rqib ketishadi. Ularning ko‘zlarida soxta qo‘rquvni emas, haqiqiy dahshatni ko‘rish mumkin.
“Tor”
Filmdagi Odin rolini Entoni Xopkins ijro etgan. Taniqli aktyor Tor Asgarddan haydalgan sahnada o‘z iste’dodini namoyish etish imkoniyatiga ega bo‘ldi. Rejissor Xopkinsga improvizatsiya qilishga ruxsat berdi, shuning uchun u juda kuchli monologni taqdim etdi, bu barchani, jumladan Tom Xidlstonni ham yig‘latdi. Aktyor juda samimiy tarzda ko‘zyosh to‘kkan.
“Garri Potter va Feniks jamiyati”
Garri, Ron va Germiona Griffindor xonasida Garrining birinchi bo‘sasini muhokama qilmoqda. Germiona Chjouning boshdan kechirgan hissiyotlari haqida gapiradi va Ronning hayratiga javoban: “Sizda tish kovlagich kabi hissiy diapazon bor (asl nusxada – “choy qoshiqdek”). Bu ibora kitobda ham, ssenariyda ham bor edi, biroq bu shunchalik g‘alati eshitilganidan ularning uchalasi ham chin dildan kula boshladi. Natijada filmdagi eng hissiyotga boy sahnalardan biri suratga olindi.
Izoh (0)