Жан Рено — 45 йилдан буён ўзининг ижролари билан томошабинларнинг эътирофидан тушмаётган таниқли француз актёри. Жан болалигидан актёрлик соҳасига қизиқди ва унинг истеъдоди актёр ўз фаолиятини бошлаган ёшлар театрида кашф этилди. Машҳур актёрлар иштирокидаги лойиҳаларнинг деярли барчаси муваффақиятли чиққан. Актёр уч марта “Сезар” мукофотига номзод бўлган. Агар сиз актёрни фақат Европада машҳур деб ҳисобласангиз, жуда янглишасиз. Жан Ренонинг мухлислари бутун дунё бўйлаб топилади. Жан Франциянинг ҳақиқий рамзига айланди ва томошабинлар у иштирок этган фильмларни қайта-қайта томоша қилишни яхши кўради.
“Метро” — 1985 йил
Танқидчиларнинг фикрича, “Метро” Люк Бессоннинг энг яхши фильмларидан бири. Бош қаҳрамон Фред — ҳар қандай сейфларни буза оладиган моҳир ўғри. Кунлардан бир куни унинг қўлига муҳим ҳужжатлар тушади ва у бу уларни пулга алмаштириш учун ажойиб имконият деб қарор қилади. Бироқ, қаҳрамон йўлда унга ким қарши чиқишини билмас эди. Фред турли инсонлар яшайдиган жойга яшириниши керак бўлади. Айнан улар қочқиннинг қочишига ёрдам беради. Жан Рено бу фильмда кичик ролни ижро этган, бироқ у ушбу образи учун “Сезар” мукофотига номзод бўлган.
“Мовий чуқурлик” — 1988 йил
Фильм юнон оролларидан бирида вояга етиб, сув остига ҳеч қандай воситаларсиз моҳирлик билан шўнғий оладиган икки дўстлар Энзо Молинари ва Жак Майол ҳақида ҳикоя қилади. Кунлардан бир кун катта инсонларга айланган собиқ дўстлар фридайвинг мусобақаларида (сув остига ҳеч қандай воситаларсиз шўнғиш) рақибга айланади. Икки лидер бир-бири билан кураш олиб боради ва чегарани топишга ҳаракат қилади, шундан сўнг рақиб таслим бўлади. Бироқ, улардан бири учун бу хавфли шўнғиш охиргиси бўлади.
“Замонлар оша” — 1993 йил
XII асрдаги Франция замонавий Франциядан жуда фарқ қилади. Тўйига оз қолган граф Годфруа ёвуз сеҳргарнинг афсуни таъсири остида бўлажак қайнотасини камон билан ўлдиради. У нима учун бундай бўлаётганини тушунишга ҳаракат қилиб, вазиятни тузатиш йўлларини қидиради. У ёрдам сўраб сеҳргар Эвсевийга мурожаат қилади ва сеҳргар тасодифан графни ўтмиш ўрнига келажакка юборади. У ерда олийжаноб зодагон ва ёрдамчиси кўплаб ажойиб саргузаштларни бошдан кечиради. Улар ҳатто ўз авлодлари билан учрашади.
“Леон” — 1994 йил
Леон — совуққон, ёлланма қотил. Кунлардан бир куни у 12 ёшли қўшниси Матилда билан учрашади, унинг оила аъзоларини полиция ўлдирган. Кейин бош қаҳрамон уни васийликка олади ва ўзи билган нарсаларни унга ўргатишга қарор қилади. Унда бирдан оталик туйғулари уйғонади. Бироқ, бу узоқ давом этмайди, чунки қиз хавфли ўйинни бошлади.
“Қизил дарёлар” — 2000 йил
Машҳур француз триллери Франциянинг Алп тоғларида содир бўлган шафқатсиз қотиллик ҳақида ҳикоя қилади. Париж полицияси комиссари Пер Неман терговни бошлайди, маҳаллий полициячи Макс Керкерян эса унга ёрдам беради. Улар жиноятчини топишга ҳаракат қилаётганда, яқин жойда яна бир жасад топилади. Дастлаб бу воқеалар бир-бирига алоқадор туюлмайди, бироқ вақт ўтиб улар ўртасида боғлиқлик борлиги аён бўлади. Фильм томошабинларни доимо шубҳада ушлаб туради ва уларни терговчилар ҳақиқатнинг тагига етиб, зарар кўрмайдиларми, деб ҳайрон бўлишга мажбур қилади.
“Васаби” — 2001 йил
Франция полицияси ходими Юбер Фиорентини жиноятчилар билан ишлашнинг ноанъанавий усуллари билан машҳур бўлади. У шафқатсиз ва сабрсиз, айнан шунинг учун мажбурий таътилга юборилади. Бироқ бош қаҳрамон узоқ вақт дам олиши керак эмас, чунки у собиқ севгилисининг сўнгги васиятини бажариш учун Японияга учиши керак бўлади. Хуллас, у дунёнинг бошқа чеккасида ҳам ўзига душманлар орттиради, улар нафақат унга, балки ўзи билмаган қизига ҳам таҳдид солади. Драма ва комедия жанрида суратга олинган фильмнинг якуний саҳналари кўзёш тўкишингизга сабабчи бўлади.
“Да Винчи коди” — 2006 йил
Ден Браун муаллифлигидаги машҳур романнинг фильмга мослашуви ҳеч кимни бефарқ қолдирмайди. Ҳикоядаги воқеалар Парижда бўлиб ўтади, у ерда профессор Роберт Ленгдон музей ходимини ўлдиришда асосий гумондор деб топилади. У ўзининг айбсизлигини қандай исботлашни билмайди ва иш билан шуғулланади. Шундай қилиб, Роберт Да Винчи суратларидан бирида хабар яширинганлигини аниқлайди. Полициячи Безу Фаче профессорни кузатиб боради, бироқ у ҳам Ленгдонни шкафда скелетлари яширинган Ватикан ходимлари каби қўрқитмайди.
Изоҳ (0)