Баъзан ҳатто катта бюджет ва профессионаллар жамоаси бўлган фильмларда ҳам кичик хатоликлар содир бўлади, айниқса, визажистлар меҳнати ҳақида гап кетганда. Баъзи актёр ва актрисалар экранда унчалик табиий кўринмайди: ғалати тери ранги ёки ҳаддан ташқари кўпайиб кетган макияж. Аммо бундай камчиликларни томошабинлар тезда пайқашади.
Жонни Депп, “Қора масса”
Ушбу фильмда Жонни Депп жиноятчилар бошлиғи ролини ўйнайди. Фильм реал ҳикояга асосланган. Томошабинлар ва танқидчилар сюжетни ҳам, актёрлик маҳоратини ҳам мақташади, бироқ Деппнинг беўхшов грими фильм сюжетини бузган.
Асосий муаммо шундаки, қаҳрамоннинг юзи ниқобга ўхшарди. Пардоз ва бошқа макияжлар томошабинларни алдай олмайди.
Женнифер Коннелли, “Тафаккур ўйинлари”
Рон Ховарднинг иқтисодиёт бўйича Нобел мукофоти совриндори Жон Неш ҳаёти ҳақидаги биографик драмаси. Фильм тўртта “Оскар” ва бошқа кўплаб мукофотларга сазовор бўлганига қарамай, томошабинлар барибир камчилик топган.
Гап шундаки, Женнифер Коннелли ва Расселл Кроуни “қаритиш” учун ишлатилган макияж ғайритабиий кўринишга эга эди.
Скарлетт Йоханссон, “Капитан Америка-2”
Скарлетт Йоханссон Қора бева ролини аъло даражада ўйнайди, лекин томошабинларга унинг макияжи ёқмаган, образ жуда сунъий чиққан. Эҳтимол, бундай кўринишга суратга олиш майдончасидаги ёруғлик сабаб бўлгандир. Эҳтимол, визажист тўғри ранг танлашда адашгандир, чунки ҳаётда Скарлетт жуда чиройли кўринади.
Жозеф Гордон-Левитт, “Вақт сиртмоғи”
Райан Жонсоннинг вақтлараро саёҳат ҳақидаги илмий-фантастик фильми. Жозеф Гордон-Левитт 25 ёшли йигитни, Брюс Уиллис эса келажакдаги уни ўйнайди. Баъзи томошабинлар визажистлар актёрларни бир оз ўхшата олмаганликларини ва ҳатто Жозефнинг ёшини катта қилиб юборишганини таъкидлайди.
Хю Грант, “Булутли атлас”
Фильм 6 ҳикоядан иборат бўлиб, унда бир хил актёрлар турли сюжетларда бир нечта персонажларни ўйнайди. Хю Грант қария Денхолм Кавендиш образини гавдалантиради. Бироқ баъзи томошабинлар кекса одамнинг юзи табиий чиқмаган деб ҳисоблашган.
Вайнона Райдер, “Эдвард — қайчиқўл”
Жонни Депп ва Вайнона Райдер иштирок этган Тим Бертоннинг романтик-фантастик фильми. Умуман олганда, ижобий шарҳларга қарамай, баъзилар фильмнинг бир саҳнасида актриса жуда тез ва сезиларли даражада қариган ёш қизга ўхшаб қолганини таъкидлайди.
Леа Томпсон, “Келажакка қайтиб-2”
“Келажакка қайтиб” илмий-фантастик трилогиясининг иккинчи қисмини режиссёр Роберт Земеккис суратга олган. Сюжетга кўра, бош қаҳрамонлар келажакка вақт машинасида саёҳат қилади, у ерда қариганда учрашишади. Томошабинлар актёр Майкл Жей Фокс ва актриса Ли Томпсон экранда унчалик ишонарли кўринмаётганини пайқашган.
Изоҳ (0)