Тошкентда “Заковат” интеллектуал ўйинининг биринчи Осиё очиқ чемпионати якунланди. Ёпилиш маросими 13 август, якшанба куни “Ўзбеккино” очиқ павильонида ташкил этилди.
![](/static/nigora/photo_2023-08-14_15-08-40.jpg)
Маросимга Президент администрацияси ижро этувчи аппаратининг Коммуникациялар ва ахборот сиёсати бўйича шўба мудири Саида Мирзиёева ташриф буюрди.
![](/static/nigora/photo_2023-08-14_15-08-38.jpg)
“Мен бундай ажойиб ўйинларни тақдим этган барча иштирокчилар, уларнинг ота-оналари ва устозларини алоҳида табриклайман. Тошкент — барчамиз учун бутун дунёни ҳамжиҳатлик, дўстлик ва инсонийлик сари ўзгартирган бурилиш нуқтаси бўлиб қолишига умид қилиб қоламан”, — деб ёзди Саида Мирзиёева ўз Telegram саҳифасида.
![](/static/2023/zulfiya/photo_2023-08-13_21-10-54.jpg)
![](/static/2023/zulfiya/photo_2023-08-13_21-10-27 (3).jpg)
![](/static/2023/zulfiya/photo_2023-08-13_21-10-27 (2).jpg)
Икки кунлик йирик турнирда Ўзбекистон, Исроил, Кипр, Германия, Арманистон, Қозоғистон, Беларусь, БАА, Латвия, Дания, Туркманистон, Қирғизистон, Тожикистон, Россия каби 14 мамлакатдан 55 та жамоа ғолиблик учун кураш олиб борди.
![](/static/2023/zulfiya/photo_2023-08-13_21-10-27 (4).jpg)
![](/static/2023/zulfiya/photo_2023-08-13_21-20-51 (5).jpg)
Турнир спортча версияси ҳамда брейн-ринг ўйини бўйича олиб борилди. Спортча шакли учун мусобақа 6 та турга ажратилди ва ҳар битта тур учун 15 та савол ўйналди.
![](/static/2023/zulfiya/photo_2023-08-13_22-05-18.jpg)
![](/static/2023/zulfiya/photo_2023-08-13_21-10-53.jpg)
![](/static/2023/zulfiya/photo_2023-08-13_22-05-19.jpg)
“Заковат” ўйинининг спортча версиясида ғолиб жамоалар қуйидаги миқдорда тақдирланди:
- 1-ўрин: 100 миллион сўм — GG (Ўзбекистон, Қозоғистон, Арманистон);
- 2-ўрин: 60 миллион сўм — “Борский корабел” (Россия);
- 3-ўрин: 40 миллион сўм — “Басенджи” (Россия, Қозоғистон).
![](/static/2023/zulfiya/photo_2023-08-13_22-09-52.jpg)
![](/static/nigora/photo_2023-08-14_11-45-08.jpg)
![](/static/2023/zulfiya/photo_2023-08-13_22-05-35.jpg)
![](/static/2023/zulfiya/photo_2023-08-13_22-05-35 (2).jpg)
![](/static/nigora/photo_2023-08-14_11-49-57.jpg)
![](/static/2023/zulfiya/photo_2023-08-13_22-05-19 (4).jpg)
![](/static/2023/zulfiya/photo_2023-08-13_21-20-51 (4).jpg)
![](/static/2023/zulfiya/photo_2023-08-13_21-20-51 (2).jpg)
![](/static/2023/zulfiya/photo_2023-08-13_21-10-42 (4).jpg)
Брейн-ринг ўйинида эса ғолиб Қозоғистон ва Россия вакилларидан иборат жамоа “Басенджи” жамоасига махсус тайёрланган биринчи Осиё очиқ чемпионати кубоги топширилди.