Европа Марказий банки Европа Иттифоқи фуқароларини 31 августга қадар янги евро банкнотлари учун дизайн танлашга таклиф қилмоқда.
ЙМБ президенти Кристин Лагарднинг сўзларига кўра, европаликларнинг умумий валютаси ва минтақанинг ўзига хослиги ўртасида мустаҳкам боғлиқлик мавжуд, янги банкнота эса ўз кўринишида буни намоён этиши керак. Лагард европаликлар евро банкнотлари дизайни билан танишиб чиқишини истамоқда, шунда фуқароларнинг ўзлари янги дизайнни танлашда фаол рол ўйнайди.
Умуман олганда, қисқа рўйхатда нақд пул дизайни учун еттита эҳтимолий тасвир мавжуд — дарёлар ва қушлардан маданият ва қадриятлар рамзигача. Уларни қалбакилаштириш қийинроқ бўлиши айтилмоқда. Шунингдек, банкноталарни экологик жиҳатдан қулайроқ қилишга ваъда берилган.
Амалдаги евро банкноталарида оддий дарвозалар ва кўприклар тасвирланган, уларда ўзига хос миллий рамзлар ва диққатга сазовор белгилар мавжуд эмас.
ЙМБ август ойи охиригача Европа Иттифоқи аҳолиси орасида махсус сўров ўтказади. Дизайндаги ўзгаришлар ва янги банкноталарни ишлаб чиқариш муддати бўйича якуний қарор 2026 йилда қабул қилиниши кутилмоқда.
Изоҳ (0)