Film & Television Industry Alliance сайти тақдим этган маълумотларга кўра, янги “Кичкина аждарҳо” фильмини суратга олиш жараёнлари шу йилнинг сентябрь ойида Монреалда бошланади.
Дастлаб Жеки Чаннинг иштироки ҳақида расмий маълумот йўқ эди, бироқ кейинчалик актёр май ойида янги лойиҳа ижодкорлари билан музокара олиб боргани маълум бўлди.
Янги “Кичкина аждарҳо” лойиҳасини яратиш режалари ўтган йилнинг сентябрь ойида маълум бўлган эди. Фильм премьераси 2024 йилнинг 13 декабрида бўлиб ўтади ва унга Жонатан Энтвистл режиссёрлик қилади. Лойиҳа муаллифи Жон Харвиц хабар берганидек, янги “Кичкина аждарҳо” кинокартинасининг “Кобра Кай” сериали билан боғлиқлиги бўлмайди.
Бош ролларда Жеки Чан ва Жейден Смит ўйнаган “Кичкина аждарҳо” фильми 12 ёшли Дре Паркер ҳақида бўлиб, у тил ва маҳаллий урф-одатларни билмай, онаси билан Пекинга кўчиб ўтади. Маҳаллий ўғил болалар тўдаси уни ҳақорат қила бошлаганда жаноб Хон ёрдамга келади ва Паркерга кунгфу санъатини ўргатишга қарор қилади. Жеки Чан янги фильмда жаноб Хон ролини такрорлаши кутилмоқда.
Изоҳ (0)