Тошкентда 12 август куни “Заковат” ўйинининг спорт версияси бўйича I Осиё очиқ чемпионати старт олди.
Икки кун давом этадиган йирик турнирда Ўзбекистон, Қозоғистон,Туркманистон, Қирғизистон, Тожикистон, Россия, Беларусь, Арманистон, БАА, Дания, Исроил, Латвия, Германия, Кипр каби 14 мамлакатдан 55 та жамоа ғолиблик учун беллашади.
Умумий соврин жамғармаси 200 миллион сўмни ташкил қилади. Ғолиб жамоалар қуйидаги миқдорда тақдирланади:
- 1-ўрин: 100 миллион сўм;
- 2-ўрин: 60 миллион сўм;
- 3-ўрин: 40 миллион сўм.
Заковат ўйинининг биринчи Осиё очиқ чемпионати 2022 йилнинг ёрқин воқеаларидан бирига айланган Марказий Осиё чемпионати мантиқий давомидир. Очиқ чемпионат доирасида брейн-ринг турнири ҳам ўтказилиб, унинг ғолибларига Чемпионат кубоги топширилади.
Чемпионат шоу-дастур билан ёрқин тақдирлаш маросими билан якунланади.
Ушбу чемпионатнинг номдор иштирокчиси, Россиядаги “Что? Где? Когда?” телеўйинидаги иштироки билан танилган Денис Галиакберов Ўзбекистонда “Заковат”ни оммалаштиришга ҳукумат даражасида эътибор берилаётганини олқишлади.
Изоҳ (0)