Andijon viloyati Oltinko‘l tumanida daryodan 10 yoshli bola jasadi topildi. Bu haqda viloyat FVB xabar berdi.
Qayd etilishicha, 13-avgust kuni soat 17:53 larda Oltinko‘l tumanida yashovchi D.A. IIBning “102” qisqa raqamiga murojaat qilib, Oltinko‘l tumani hududidan oqib o‘tuvchi Qoradaryodan 10 yoshli o‘g‘il bola murdasi topilganini ma’lum qilgan. Olib borilgan surishtiruv natijasida ushbu jasad Oltinko‘l tumani “Ors” MFY Yuqori ko‘chasida yashagan T.A. ekani aniqlangan.
Marhum bolaning jasadi sud-tibbiy ekspertizasiga yuborilgan. Viloyat Favqulodda vaziyatlar boshqarmasi navbatchi dispetcherlik xizmatiga suvda cho‘kish bo‘yicha xabar kelib tushmagan.
Andijon viloyatining Oltinko‘l tumanidan oqib o‘tuvchi Qoradaryoda 13-iyun kuni ikki nafar bola suvda oqib ketgandi. 24-iyul kuni Qoradaryoning Baliqchi tumanidan o‘qib o‘tuvchi qismida ikki nafar o‘smir cho‘kib ketgandi.
Izoh (0)