Жанубий Африка Республикасининг собиқ президенти Жейкоб Zuma қамоқхона тўлиб кетгани ва жой йўқлиги сабаб озод этилди, деб хабар бермоқда BBC.
Собиқ давлат раҳбари судга ҳурматсизлик қилгани учун 15 ойлик қамоқ жазосини ўташи керак эди.
Zuma ЖАР қамоқхоналаридаги тангликни юмшатиш учун апрель ойида бошланган схема бўйича озод қилинган 9 000 дан ортиқ унчалик хавфли бўлмаган маҳбуслардан бири экани айтилмоқда.
Республика адлия вазири Роналд Ламола бу қарор ҳеч қандай сиёсий аралашувсиз қамоқхона маъмурияти томонидан қабул қилингани ва Zumaнинг унга деярли таъсири йўқлигини айтди.
81 ёшли Zuma 2021 йилда унинг президентлиги давридаги молиявий фирибгарлик ва қариндош-уруғчиликни тергов қилган комиссия олдида кўрсатма беришдан бош тортгани учун қамоққа ташланган. Бироқ у атиги икки ой ўтиб, соғлиғи сабабли қамоқдан озод қилинди.
Апелляция суди ўтган йилнинг ноябрида озодликни ноқонуний деб топди ва Zumaни жазо муддатини ўташ учун қамоқхонага қайтаришни буюрди. Июль ойида Конституциявий суд қамоқ жазосини бекор қилишга уринишни рад этди.
Изоҳ (0)