Тошкент шаҳрида ўқувчи қизларга тегажоғлик қилган мактаб психологи озод қилиниб, яна педагогика соҳасида ишламоқчи экани ҳақида хабарлар тарқалди. Пойтахт мактабгача ва мактаб таълими бошқармаси ҳолат юзасидан маълумот берди.
Унга кўра, Миробод туманидаги 158-сонли умумтаълим мактаби собиқ психологи Г.А.нинг 2022 йил 19 августда Жиноий ишлари бўйича Миробод суди томонидан Жиноят кодексининг 129-моддаси 1-қисми билан айбли деб топилиб, 2 йилга озодликдан маҳрум этилгани, аммо у муддатидан аввал — 1 йил 3 ой 10 кунда қамоқдан озод қилиниб, яна педагогика соҳасида ишламоқчи эканлиги ҳақида хабарлар тарқалди.
Қайд этилишича, 2022 йил 7 апрелда Г.А. Меҳнат кодексининг 100-моддаси, 4-қисм, 2-банди билан Миробод туманидаги 158-сонли мактаб психологи вазифасидан озод этилган. Айни пайтда мазкур таълим муассасасида уч нафар малакали психолог фаолият кўрсатмоқда. Г.А.нинг кейинги тақдири ҳақида бирорта маълумот мавжуд эмаслиги ва унинг ҳозирда пойтахтдаги умумтаълим муассасаларида фаолият кўрсатмаётгани таъкидланди.
Изоҳ (0)