Ўзбекистонлик 22 ёшли йигит Суриядаги террорчилик ташкилотига қўшилиб, жанговар ҳаракатларда қатнашиб келаётгани аниқланди. Бу ҳақда ИИВ ахборот хизмати хабар берди.
![](/static/Risolat/12ww.jpg)
Унга кўра, ДХХ ва ИИВ томонидан ҳамкорликда олиб борилган тезкор суриштирувлар давомида, 2001 йилда Тошкент шаҳрида туғилган Мухаммадали Тўхтаев Туркияга бориб, у ерда “Катиба ал-Ғуроба ал-Туркистон” террорчилик ташкилоти ёлловчиларининг таъсирига тушгани аниқланган. У айланма йўллар орқали Сурияга ўтиб, ушбу ташкилот сафига қўшилган, ҳозирда жанговар ҳаракатларда қатнашиб келаётган бўлган.
Мазкур ҳолат юзасидан Жиноят кодексининг 244-2-моддаси билан жиноят иши қўзғатилиб, тергов ҳаракатлари олиб борилмоқда.