Ўзбекистонликлар Японияга ишга таклиф қилинмоқда. Маош 1,5 минг доллардан ортиқ

Ўзбекистонлик фуқаролар Японияга қурилиш ишларига таклиф этилмоқда. Бу ҳақда Ташқи меҳнат миграцияси агентлиги ахборот хизмати хабар берди.

Унга кўра, Тошкентдан Япониягача ва яшаш жойидан иш жойигача харажатлар иш берувчи ҳисобидан. Ойлик маош: 235 000 JPY (1625 доллар). Бир ой тайёрлов-мослаштириш даврида ойлик маош 145 минг ена (1000 доллар). Иш вақти: ҳафтасига 40 соат, қўшимча иш соати учун алоҳида тўланади. 

Номзодлар учун талаблар:

• япон тилини N5-N4 даражада билиш;
• 18 ёшдан 30 ёшгача;
• мактаб, лицей ёки касб-ҳунар коллежини тамомлаган;
• 3 йилдан 5 йилгача ишлаш.

Иш берувчи номзодларни оғзаки суҳбат асосида танлаб олади:

• 1-суҳбат: 4—8 сентябрь кунлари агентликнинг ҳудудий филиалларида онлайн тарзда ўтказилади;
• 2-суҳбат: 1-суҳбатдан ўтганлар Тошкент шаҳрига келиб, оғзаки суҳбатдан ўтади (суҳбат санаси ҳақида қўшимча маълумот берилади).

Рўйхатдан ўтиш (11—15 август соат 18:00 гача). Суҳбатдан ўтганлар Тошкентда 3-4 ойлик тайёргарлик курсларига (бепул) қатнашиши шарт. Тошкентда яшаш харажатлари номзодлар ҳисобидан қопланади.