Ўзбекистон ҳудудидан транзит ўтувчи хавфли тоифага киритилган юкларга рухсатнома бериш жараёни рақамлаштирилди. Бу ҳақда “Дунё” агентлиги хабар берди.
Қайд этилишича, Транспорт вазирлиги томонидан “Хавфли юк” ахборот тизими ишлаб чиқилган. Натижада хавфли юкларни транзит ташиш учун рухсатномаларни бериш анъанавий кўринишдан электрон шаклга ўтказилган. Эндиликда тегишли рухсатнома талабгорлари мазкур ахборот тизими орқли ариза юборишлари мумкин.
Тизим орқали аризачи мурожаат йўллагандан сўнг, қонунчиликда белгиланган тартибда ва муддатларда ариза кўриб чиқилади ва тегишли хулосалар асосида рухсатнома тизим томонидан тақдим этилади. Тақдим этилган рухсатнома бланкасини тизим орқали онлайн юклаб олиш мумкин.
Мазкур “Хавфли юк” ахборот тизими Ўзбекистон Вазирлар Маҳкамасининг тегишли қарорига мувофиқ ишлаб чиқилди.
Бундан олдин Ўзбекистон, Туркманистон, Эрон давлатлари халқаро транспорт ва транзит йўлагини ташкил этишни режалаштираётгани, Ўзбекистонда автомобилда халқаро ташув учун рухсатнома бериш тартиби белгилангани тўғрисида хабар берилганди.
Хорижий/кўп томонлама рухсатномаларни олиш учун аризани миллий ташувчи ўзининг ERИси билан тасдиқлаган ҳолда “Э-авто рухсатнома” ААТ орқали тақдим этади ва ариза олинган кундан 1 иш кунида кўриб чиқилади. Рухсатномани бериш ёки беришни рад этиш “Э-авто рухсатнома” ААТда автоматик тарзда амалга оширилади.
Изоҳ (0)