Ногиронлик нафақаси ёшидан қатъи назар, иш стажига эга бўлмаган, I ёки II гуруҳ ногиронлиги бўлган шахс деб топилганларга тайинланади. Бу ҳақда Пенсия жамғармаси маълумот берди.
Фото: “Дарё”
Қайд этилишича, 18 ёшгача бўлган ногиронлиги бор болаларга нафақа ҳамда парваришлаш нафақаси Камбағалликни қисқартириш ва бандлик вазирлиги томонидан Пенсия жамғармасининг “Пенсия” ахборот тизимига юборилган электрон маълумотлари асосида “проактив шакл”да тайинланади.
Ногиронлик, боқувчисини йўқотганлик ва ёшга доир нафақалар давлат хизматлари марказлари орқали мурожаат қилинганда, Соғлиқни сақлаш вазирлиги, Мактабгача ва мактаб таълими вазирлиги, Адлия вазирлиги ҳамда Камбағалликни қисқартириш ва бандлик вазирлиги томонидан Пенсия жамғармасининг “Пенсия” ахборот тизимига юборилган электрон маълумотлар асосида тайинланади, — дейилади манба маълумотида.
Ҳозирда I гуруҳ ногиронлик нафақаси миқдори 833 750 сўмни, II гуруҳ ногиронлик нафақаси миқдори 747 000 сўмни ташкил қилади.
Аввалроқ Ўзбекистонда пенсия тайинлаш тартиби ҳақида маълумот берилганди.
Мавзуга доир: Болалар нафақаси ва моддий ёрдамни тайинлаш ёки тўлаш тартиби қандай?
Изоҳ (0)