Футбол бўйича Ўзбекистон Суперлигасининг 16-турида “Пахтакор” ва “Навбаҳор” жамоалари ўзаро тўқнаш келди. Учрашувда 2:1 ҳисобида “шерлар”нинг қўли баланд келди. Ўйиндан кейинги матбуот анжуманида иккала жамоа мураббийлари ўз фикрларини баён этди.
Қизиқарли ўйин бўлди, йигитлар кўрсатмаларни бажаришди. Биринчи бўлимда беллашувни назорат қилдик. Иккинчи бўлимда эҳтиёткор ҳаракатландик. Гол ўтказиб юборганимиздан сўнг яна яхши ҳужумлар уюштирдик. Бугун ҳамма ўз даражасида ўйнади.
Наманганлик мухлисларга ўйинимиз маъқул келган шекилли, улар баҳсдан кейин бизни олқишлар билан кузатишди.
Навбаҳор билан ўйинлар доим шиддатли кечади. Аввалги учрашувда руҳан бир оз камчилик кузатилган бўлиши мумкин.
Камолиддин Тожиев (“Пахтакор”), ёрдамчи мураббий
Мавсумдаги энг муҳим учрашувда афсуски, мағлуб бўлдик. Ушбу мағлубият учун мухлислардан узр сўрайман. Биринчи бўлим жуда ҳам муваффақиятсиз ўтди. Айрим футболчилар ҳаяжон сабаб ўзларини кўрсата олишмади, курашларда енгилишди. Натижада иккита тўп ўтказиб юбордик.
Танаффусдан сўнг ниманидир ўзгартира олдик. Ўйинда асосан ҳиссиётлар биринчи ўринда турди. Тўғриси, бугун мағлубиятга лойиқ эмасдик. Тошкентда ҳам, Наманганда ҳам омадимиз келмади. Чемпионлик учун курашни қийинлаштирдик, аммо олдинда ҳали 10 та баҳс бор. Ўйин олдидан бўлган атмосферанинг сабабчилари жамоа футболчилари. Ҳа, бугун ўхшамади. Футболда бундай ҳолатлар ҳам учрайди.
Самвел Бабаян, “Навбаҳор” бош мураббийи
Изоҳ (0)