Futbol bo‘yicha O‘zbekiston Superligasining 16-turida “Paxtakor” va “Navbahor” jamoalari o‘zaro to‘qnash keldi. Uchrashuvda 2:1 hisobida “sherlar”ning qo’li baland keldi. O‘yindan keyingi matbuot anjumanida ikkala jamoa murabbiylari o‘z fikrlarini bayon etdi.
Qiziqarli o‘yin bo‘ldi, yigitlar ko‘rsatmalarni bajarishdi. Birinchi bo‘limda bellashuvni nazorat qildik. Ikkinchi bo‘limda ehtiyotkor harakatlandik. Gol o‘tkazib yuborganimizdan so‘ng yana yaxshi hujumlar uyushtirdik. Bugun hamma o‘z darajasida o‘ynadi.
Namanganlik muxlislarga o‘yinimiz ma’qul kelgan shekilli, ular bahsdan keyin bizni olqishlar bilan kuzatishdi.
Navbahor bilan o‘yinlar doim shiddatli kechadi. Avvalgi uchrashuvda ruhan bir oz kamchilik kuzatilgan bo‘lishi mumkin.
Kamoliddin Tojiyev (“Paxtakor”), yordamchi murabbiy
Mavsumdagi eng muhim uchrashuvda afsuski, mag‘lub bo‘ldik. Ushbu mag‘lubiyat uchun muxlislardan uzr so‘rayman. Birinchi bo‘lim juda ham muvaffaqiyatsiz o‘tdi. Ayrim futbolchilar hayajon sabab o‘zlarini ko‘rsata olishmadi, kurashlarda yengilishdi. Natijada ikkita to‘p o‘tkazib yubordik.
Tanaffusdan so‘ng nimanidir o‘zgartira oldik. O‘yinda asosan hissiyotlar birinchi o‘rinda turdi. To‘g‘risi, bugun mag‘lubiyatga loyiq emasdik. Toshkentda ham, Namanganda ham omadimiz kelmadi. Chempionlik uchun kurashni qiyinlashtirdik, ammo oldinda hali 10 ta bahs bor. O‘yin oldidan bo‘lgan atmosferaning sababchilari jamoa futbolchilari. Ha, bugun o‘xshamadi. Futbolda bunday holatlar ham uchraydi.
Samvel Babayan, “Navbahor” bosh murabbiyi
Izoh (0)