59 ёшли Голливуд юлдузи Сандра Буллок 5 август куни амиотрофик латерал склероздан вафот этган 57 ёшли турмуш ўртоғи Брайан Рендаллга қараш учун кино карьерасида бир йил танаффус қилган, деб хабар бермоқда “Правила жизни” нашри.
Рендалл сўнгги уч йил давомида бу касаллик билан курашган профессионал фотограф эди. Шу билан бирга, у атрофдагилардан касаллигини яширган. Фотографнинг касаллиги ҳақида жуда кам киши биларди, уларнинг орасида актёр Ченнинг Татум ҳам бўлган. Актёр Сандра Буллок билан “Йўқолган шаҳар” фильмида рол ўйнаган ва 2022 йилнинг март ойида унинг премьерасида кўриниш берган.
Рендаллни “бир умрлик муҳаббати” эканини айтган актриса карьерасида танаффус олиш нияти борлиги ҳақида гапириб берган. Шундан кейин Буллок суратга олиш ишларида қатнашмади ва атиги бир неча марта кўриниш берди.
“Мен шунчаки уйда бўлишни хоҳлайман. Доим бир суратга олиш жараёнларидан чиқиб бошқасига югурардим. Эндиликда фақат битта нарса учун жавобгар бўлишни хоҳлайман”, — деган эди Буллок. Шу билан бирга, у фаолиятидаги танаффус қанча давом этишини билмаслигини айтганди.
Буллок ва Рендаллнинг муносабатлари
Буллок Рендалл билан 2015 йилнинг январь ойида актриса асраб олган ўғли Луи Бардонинг туғилган кунини суратга олиш учун фотографни таклиф қилганида танишган. Ўша йилнинг октябр ойида жамоатчилик уларнинг муносабатлари ҳақида хабардор бўлди.
Рендалл билан муносабат Буллокнинг беш йиллик турмушидан кейин 2010 йилда телебошловчи Жесси Жеймс билан ажрашиш учун ариза берганидан буён биринчиси эди. Бу воқеа оммавий ахборот воситаларида Жессининг хиёнати ҳақидаги миш-мишлар пайдо бўлганидан кейин содир бўлди, кейинчалик унинг ўзи ҳам бу маълумотларни тасдиқлади.
Буллокнинг 13 ёшли Луи Бардодан ташқари 10 ёшда бўлган Лейла исмли ҳам бор. Актриса қизалоқни 2015 йилнинг декабрь ойида ўз васийлигига олган.
Изоҳ (0)