Ҳинд киностудиялари чет эл ҳитларини маҳорат билан мослаштириб, афсонавий картиналарни экранга чиқаради, сюжетларни қайта тартибга солиб, уларга ўзининг маданиятини сингдиради.
“Ошиқ қаҳрамон” (2014)
Ушбу қизиқарли жанговар фильм Голливуднинг машҳур “Кун рицари” фильмига мослаштирилган. Фильмда жанговар саҳналардан тортиб, романтикага қадар ҳинд маданияти ёритилган. Шубҳасиз, рақс саҳналари билан тўлдирилган.
Бош ролларни Болливуд юлдузлари Хритик Рошан ва Катрина Кайф ижро этган. Лента томошабинлар ва танқидчилардан юқори баҳо олиб, 2014 йилда Ҳиндистондаги энг юқори даромад келтирувчи фильмлардан бирига айланди. Ушбу фильм Голливуд дурдонасини ҳинд анъаналари билан қандай қилиб муваффақиятли мослаштириш мумкинлигининг ёрқин намунасидир.
“Тила тилагингни” (2009)
Бу 1988 йилда Том Хенкс иштирок этган Голливуднинг “Катта” ҳитининг ремейки. Катта ёшли бўлиш истаги кутилмаганда рўёбга чиққан бола ҳақидаги бу ҳикояда мўжиза, ҳазил ва муҳаббат бир-бирига боғланган.
“Лаал Сингх Чадда” (2022)
Ҳиндистонлик томошабинлар “Оскар” мукофотига сазовор бўлган “Форрест Гамп” фильмининг ремейкини узоқ вақтдан бери кутишган — уни суратга олиш 8 йил давом этган. Бунинг сабаби продюсер ва бош актёр Амир Хон узоқ вақт давомида “Форрест Гамп” фильми режиссёри Роберт Земеккисдан муаллифлик ҳуқуқини олишга ҳаракат қилди. “Лаал Сингх Чадда” кассада муваффақият қозона олмади, лекин танқидчилардан ижобий баҳо олди.
“Худойим, сен қудратлисан!” (2008)
Ушбу фильм бош ролда Жим Керри иштирок этган Голливуднинг “Қудратли Брюс” комедиясига мослаштирилган. Оддий, омадсиз йигит тўсатдан илоҳий қобилиятларга эга бўлади. У оқибатлари ҳақида ўйламасдан, ўз хоҳиш-истакларини бажариш учун улардан фойдаланишни бошлайди.
Фильм Голливуднинг оригиналидан нафақат ёрқин рақс саҳналари ва ранг-баранг мусиқаси, балки ҳинд маданиятига оид нозик жиҳатлар билан ҳам ажралиб туради.
“Биз оиламиз” (2008)
Бу Сюзан Сарандон ва Жулия Робертс иштирокидаги Голливуд фильми “Ўгай она”нинг ҳиндча ремейки. Бир оила ажрашгандан кейин қийинчиликларга дуч келди. Она оғир касаллик билан курашмоқда, болалар эса отасининг янги севгилисини қабул қилишни хоҳламайди. Аммо совуққонлик ва душманлик кайфияти билан бошланган ҳикоя тушуниш ва қабул қилиш билан тугайди.
“Салом, севги” (2007)
Фильм сюжети инглизларнинг “Чин муҳаббат” ҳити асосида яратилган. Бу севги, эҳтирос ва ҳаётнинг турли қатламларидаги одамларнинг тақдири ҳақида бир-бирига боғланган олтита ҳикоядан иборат картина. Ҳар бир ҳикоя Ҳиндистоннинг бетакрор маданий ва ижтимоий воқеликларини акс эттиради.
“Гажини” (2008)
Фильм Кристофер Ноланнинг “Эсла” психологик триллерининг ремейкидир. У ҳаётининг атиги 15 дақиқасини эслай оладиган йигит ҳақида ҳикоя қилади, шундан кейин у яна ҳамма нарсани унутади. Севганининг ўлими учун қасос олиш ва душманларини топиш учун у ўзига татуировка ва фотосуратлар кўринишида эслатмалар қолдиради.
“Чунки бу тақдир” (2005)
Бу Кен Кезининг “Какку уяси узра парвоз” романи ва унинг 1975 йилда Жек Николсон иштирокидаги фильмига мослаштирилган вариантидир. Китоб ва Голливуд фильмидан фарқли ўлароқ, ҳиндча вариантдаги бош қаҳрамонни психиатрия клиникасидаги шафқатсиз ишчи эмас, меҳрибон ва ғамхўр ҳамшира кутиб олади. Қайсидир маънода, у эркакнинг касаллигига даво бўлади.
Айтганча, кўплаб ҳинд ремейклари ва мослашувлари асл фильмлар каби машҳур ва муваффақиятли бўлди. Шунинг учун Ҳиндистонда жуда истеъдодли режиссёрлар, сценарийнавислар ва актёрлар ижод қилади.
Изоҳ (0)