“Фарғона азот”нинг Термиздаги омборхонасида 9 август куни ёнғин содир бўлди. Ҳолат акс этган видео ижтимоий тармоқларда тарқалди.
ФВВ матбуот хизматининг хабар қилишича, Сурхондарё вилояти Термиз тумани, “Бунёдкор” МФЙда жойлашган “Фарғона азот” АЖга қарашли омборхоналарнинг бирида ёнғин содир бўлаётганлиги тўғрисида хабар ФВБга соат 14:01 да келиб тушган.
Шунга кўра, 5 та ёнғин-қутқарув экипажи соат 14:10 да воқеа жойига етиб бориб, ёнғин соат 14:15 да қуршаб олинган ва соат 15:20 да ўчирилган.
Ёнғин натижасида тахминан 70-80 квадрат метр майдонда омборхонанинг ичида бўлган кўмир маҳсулоти ёниб зарарланган.
Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмаган.
Ёнғин сабаби ва моддий зарар миқдори аниқланмоқда.
Изоҳ (0)