Россия президенти Владимир Путин август ойининг охирги ҳафтасида Туркияга ташриф буюради. Бу ҳақда манбаларга таяниб, Hurriyet газетаси хабар берди.
Ташриф давомида президентлар дон келишувини тиклаш, икки томонлама алоқалар, Туркия, Озарбайжон ва Арманистон муносабатлари, шунингдек, Туркия ва Сурия ўртасидаги алоқани нормаллаштириш масалаларини муҳокама қилади.
Путин ва Эрдўғон суҳбати
2 август куни Туркия ва Россия президентлари телефон орқали мулоқот қилиб, бўлажак учрашув бўйича келишиб олди.
Кейинроқ Эрдўғон Путиннинг Туркияга ташриф буюриши мумкинлигини маълум қилди. Унинг сўзларига кўра, ташрифнинг аниқ санаси ҳозирча белгиланмаган ва дипломатик каналлар орқали келишиб олинади.
Июль ойи охирида ОАВ Путин Эрдўғон билан ғалла келишувига қайтиши имкониятларини муҳокама қилишдан бош тортганини хабар қилди. Россия президенти қўнғироқларга жавоб бермаслиги ноодатий ҳолат экани таъкидланди.
Бу орада турк расмийлари Кремль билан бошқа алоқа каналлари орқали муаммога ечим излашга интилди.
Россия ва Туркия раҳбарлари охирги марта ёз бошида телефон орқали гаплашган:
7 июнь куни улар икки томонлама муносабатлар ва Украинадаги вазиятни муҳокама қилган, 24 июнь куни эса Туркия томонининг илтимосига биноан Путин “Вагнер” билан боғлиқ вазиятга ойдинлик киритган. Россиянинг дон шартномасини узайтирмаслик ҳақидаги қароридан кейин президентлар мулоқот қилмади, келишув 17 июль куни бекор қилинганди.
Изоҳ (0)