Ўзбекистонда ўсимлик ёғи арзонлашгани маълум қилинди 

Мамлакатда ўсимлик ёғи 2023 йил бошидан бери 12,7 фоизга арзонлашган.

Статистика агентлиги маълумотларига кўра, шу йилнинг июль ойида ўсимлик ёғи нархлари июнь ойига нисбатан, бир ойда ўртача 2,4 фоизга арзонлашган. Мазкур турдаги ёғ нархи жорий йил бошидан бери ўртача 12,7 фоизга пасайгани кузатилган.

Хусусан, 2023 йилнинг июль ойида ўтган ойга нисбатан:

• пахта ёғи нархлари ўртача 2 фоизга;
• кунгабоқар мойи нархлари ўртача 2,8 фоизга арзонлашган.

Сариёғ нархлари бир ой ичида ўртача 0,5 фоизга, маргарин эса 0,1 фоизга қимматлашган.

Аввалроқ 2023 йилнинг май ойида пахта ёғи нархлари апрель ойига нисбатан, яъни бир ойда ўртача 1,3 фоизга арзонлашгани хабар қилинганди. Пахта ёғи нархлари 2023 йил бошидан бери ўртача 7,4 фоизга арзонлашгани кузатилган. 2023 йилнинг май ойида апрелга нисбатан:

• ўсимлик ёғлари нархлари ўртача 1,7 фоизга арзонлашган;
• кунгабоқар мойи нархлари ўртача 2,1 фоизга арзонлашган.
• сариёғ нархлари ўртача 0,7 фоизга ошган.