Тошкент шаҳрида қизлар билан келишмовчилик натижасида улар ўтирган машина ойнасини синдирмоқчи бўлган йигит акс этган видео тарқалди. Пойтахт ИИББ ҳолат юзасидан муносабат билдирди.
Унга кўра, 4 август куни тахминан соат 00:10 ларда Юнусобод тумани, А.Темур кўчасида Cobalt ҳайдовчиси 2002 йилда туғилган М.Х. ҳамда Gentra ҳайдовчиси 1999 йилда туғилган Д.Т.лар орасида йўлда ўзаро келишмовчилик келиб чиққани аниқланган.
Мазкур воқеа иштирокчиси бўлган қиз ўз инстаграм саҳифасига ҳолат ҳақида ёзиб қолдирган. Унга кўра, йигитлар уларга танишувни таклиф қилган. Қизлар эса рад жавобини бергач ушбу ҳолат содир этилган.
Келишмовчилик натижасида Cobalt ҳайдовчиси Gentraъга техник шикаст етказган. Мазкур ҳолат юзасидан Юнусобод тумани ИИО ФМБ томонидан терговга қадар текширув ўтказилмоқда. Натижаси бўйича қонуний қарор қабул қилиниши таъминланади, дейилади ИИБ хабарида.
Изоҳ (0)