Ўзбекистонда келаси ҳафта бошида қандай об-ҳаво кутилаётгани маълум қилинди

“Ўзгидромет” 7–9 август кунлари учун об-ҳаво маълумотини эълон қилди.

Қорақалпоғистон Республикаси ва Хоразм вилоятида ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 16-21 даража, кундузи 30-35 даража бўлади.

Бухоро ва Навоий вилоятларида ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат кечаси 18-23 даража, кундузи 7 августда 33-38 даража, 8–9 августда 30-35 даража бўлади.

Тошкент, Самарқанд, Жиззах ва Сирдарё вилоятларида ҳаво бир оз булутли бўлади, баъзи жойларда ўзгариб туради ёғингарчилик кутилмайди, фақат Тошкент вилоятида 7 августда баъзи жойларда қисқа муддатли ёмғир ёғиши, момақалдироқ бўлиши мумкин. Шамол шарқдан 7-12 метр/секунд тезликда эсади. Ҳарорат кечаси 18-23 даража, 7–8 августда 30-35 даража, 9 августда кундузи 32-37 даража бўлади.

Қашқадарё ва Сурхондарё вилоятларида ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 метр/секунд тезликда эсади, 7 августда баъзи жойларда 13-18 метр/секундгача кучайиши, айрим жойларда чанг-тўзон билан кузатилиши мумкин. Ҳарорат кечаси 20-25 даража, кундузи 7 августда 33-38 даража, 8–9 август кунлари 31-36 даража бўлади.

Андижон, Наманган ва Фарғона вилоятларида ҳаво ўзгариб туради, 7–8 августда баъзи жойларда қисқа муддатли ёмғир ёғиши, момақалдироқ бўлиши мумкин, 9 августда ёғингарчилик кутилмайди. Шамол шарқдан 7-12 метр/секунд тезликда эсади, 7 августда баъзи жойларда 13-18 метр/секундгача кучайиши мумкин. Ҳарорат кечаси 18-23 даража, кундузи 7 августда кечаси 28-33 даража, 8–9 август кунлари кундузи 30-35 даража бўлади.

Республиканинг тоғолди ва тоғли ҳудудларида ҳаво ўзгариб туради, 7–8 августда баъзи жойларда қисқа муддатли ёмғир ёғади, 7 августда баъзи жойларда кучли бўлади, момақалдироқ бўлиши мумкин. 9- август ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкин. Ҳарорат кечаси 12-17 даража, кундузи 7–8 августда 20-25 даража 9 августда 23-28 даража бўлади.

Аввалроқ ёмғир ёғиши кутилаётгани сабабли  6–9 август кунлари республиканинг тоғолди ва тоғли ҳудудларида сел-сув тошқини юзага келиши мумкинлиги хабар қилинганди.