Toshkent shahrida qizlar bilan kelishmovchilik natijasida ular o‘tirgan mashina oynasini sindirmoqchi bo‘lgan yigit aks etgan video tarqaldi. Poytaxt IIBB holat yuzasidan munosabat bildirdi.
Unga ko‘ra, 4-avgust kuni taxminan soat 00:10 larda Yunusobod tumani, A.Temur ko‘chasida Cobalt haydovchisi 2002-yilda tug‘ilgan M.X. hamda Gentra haydovchisi 1999-yilda tug‘ilgan D.T.lar orasida yo‘lda o‘zaro kelishmovchilik kelib chiqqani aniqlangan.
Mazkur voqea ishtirokchisi bo‘lgan qiz o‘z instagram sahifasiga holat haqida yozib qoldirgan. Unga ko‘ra, yigitlar ularga tanishuvni taklif qilgan. Qizlar esa rad javobini bergach ushbu holat sodir etilgan.
Kelishmovchilik natijasida Cobalt haydovchisi Gentra’ga texnik shikast yetkazgan. Mazkur holat yuzasidan Yunusobod tumani IIO FMB tomonidan tergovga qadar tekshiruv o‘tkazilmoqda. Natijasi bo‘yicha qonuniy qaror qabul qilinishi taʼminlanadi, deyiladi IIB xabarida.
Izoh (0)