Самарқанд вилояти Ургут туманида 500 кг истеъмолга яроқсиз гўшт маҳсулотлари тўхтатиб қолинди. Бу ҳақда ЙҲХХ ахборот хизмати хабар берди.
Унга кўра, 3 август куни соат 00:05 ларда Самарқанд вилояти, Ургут туманида жойлашган “Омонқўтон” ЙПХ масканида Cobalt тўхтатилиб текширилганда, келиб чиқиши номаълум бўлган, ветеринария-санитария талабларига зид равишда, тегишли ҳужжатларсиз 500 кг гўшт маҳсулотлари олиб кетилаётгани аниқланган.
Яроқсиз гўшт маҳсулотлари тегишли тартибда йўқ қилиниб, ҳозирда ҳайдовчига нисбатан терговга қадар текширув ҳаракатлари олиб борилмоқда.