Nigeriya armiyasi isyonchilar hokimiyatni qo‘lga kiritgan Nigerga jo‘natilishi mumkinligini inobatga olib, jangovar shay holatga keltirildi, biroq safarbarlikni boshlash haqidagi buyruq hali olinmadi, deb xabar berdi Wall Street Journal nigeriyalik harbiy ofitserga tayanib.
“Mobilizatsiya hali boshlanmagan, biroq Nigerga yuborilishi mumkinligi inobatga olinib, armiyaga to‘liq shay holatda bo‘lish buyurilgan”, — deyiladi nashr xabarida.
Oldinroq G‘arbiy Afrika Davlatlari Iqtisodiy Hamjamiyati (ECOWAS) davlat to‘ntarishi sodir bo‘lgan Nigerga harbiy aralashuv ko‘rib chiqilayotgan variantlar ichida eng oxirgisi ekanligi, ammo bunga tayyorgarlik ko‘rish zarurligini aytgan.
ECOWAS delegatsiyasi juma kuni to‘ntarish rahbari general Abdurahmon Tchiani bilan uchrashmasdan Nigerni tark etdi.
O‘z navbatida, Nigerda hokimiyatni qo‘lga olgan isyonchilar ECOWAS’ning har qanday tajovuziga darhol javob berishlarini ma’lum qilishdi.
Izoh (0)