Шавкат Мирзиёев 4 август куни Ашхобод шаҳрига ташрифи давомида Туркманистон президенти Сердар Бердимуҳамедов билан музокара ўтказди.
![](/static/nigora/4d0e6ec0-c5a4-08f6-4b18-3404fbdddf4e_lists_slider_6535.jpg)
Президент матбуот хизматининг хабар қилишича, учрашувда давлат раҳбарлари қардош халқларимиз ўртасидаги кўп асрлик дўстлик ва яхши қўшничилик ришталарига асосланган Ўзбекистон—Туркманистон чуқурлашган стратегик шериклик муносабатларининг долзарб масалаларини муҳокама қилди.
![](/static/nigora/cc34b6ce-a791-3b56-90ab-eb094252086f_lists_slider_6535.jpg)
Амалий ҳамкорлик барча йўналишларда кенгайиб бораётгани мамнуният билан қайд этилди. Биргаликдаги кооперация лойиҳаларини илгари суриш, ҳудудлар ўртасидаги алмашинувлар ва маданий-гуманитар алоқаларни ривожлантириш муҳимлиги таъкидланди. “Шовот-Тошовуз” қўшма савдо зонасини тез фурсатда ишга тушириш зарурлиги атилди.
Минтақавий кун тартиби юзасидан ҳам атрофлича фикр алмашилган.
Маълумот учун, 4 август куни Туркманистон пойтахтида Ўзбекистон, Тожикистон ва Туркманистон президентларининг уч томонлама саммити бўлиб ўтади. Тадбирлар давомида минтақавий кун тартибидаги долзарб масалалар кўриб чиқилади.