Reyting muallifi amerikalik kinoshunos, 2018-yilgi Berlin kinofestivali hakamlar hay’ati a’zosi — Stefani Zaxarek. U, shuningdek, 2015-yilda The Village Voice nashrida kino haqida yozgan materiali uchun Pulitser mukofotiga nomzod bo‘lgan.
Kinoshunosning so‘zlariga ko‘ra, u tanlov davomida mahorat va ruh bir-biriga bog‘langan, chuqur hayajonga soluvchi filmlarga duch kelgan. Ro‘yxatga kiritilgan barcha kinokartinalar ular suratga olingan davrni aniq aks ettiradi.
Har o‘n yillik bo‘yicha o‘nta film ro‘yxatga kiritilgan, biroq ular “eng yaxshisidan yomoniga” tamoyili bo‘yicha taqsimlanmagan. Reytingdagi eng qadimgi kartina — nemis rejissori Robert Vinening “Shifokor Kaligari kabineti” (1920-yili) ovozsiz filmi, eng yangisi esa — Kventin Tarantinoning “Bir paytlar Gollivudda” (2019-yil) kartinasi.
2010-yilning eng yaxshi 10 ta filmiga “Muqaddas motorlar korporatsiyasi” (2012-yil), “Faqat sevishganlar omon qoladi” (2013-yil), “Feniks” (2014-yil), “Selma” (2014-yil), “Men negr emasman” (2016-yil), “Yo‘qolgan Z shahri” (2016), “Oy nuri” (2016) va “Kichik ayollar” (2019-yil) loyihalari kiritilgan.
Reytingdagi eng mashhur filmlar qatorida “Shamollarda qolgan hislarim” (1939-yil), “Velosiped o‘g‘rilari” (1948-yil), “Bosh aylanishi” (1958), “Jazzda faqat qizlar” (1959-yil), “Nafas” (1960-yil), “Psixo” (1960-yil), “Parijdagi so‘nggi tango” (1972-yil), “Cho‘qintirgan ota-2” (1974-yil), “Taksichi” (1976-yil) va boshqa kinokartinalar bor.
Izoh (0)