O‘zbekiston xalq artistlari Nasiba Abdullayeva va Abduhoshim Ismoilov Ozarbayjonda mukofotlandi

Ozarbayjonda o‘tkazilayotgan O‘zbekiston madaniyat kunlari doirasida bir guruh o‘zbekistonlik san’atkorlar taqdirlandi. Bu haqda O‘zbekiston madaniyat vaziri Ozodbek Nazarbekov o‘zining Telegram kanalida ma’lum qildi. 

Xususan, O‘zbekiston xalq artisti Nasiba Аbdullayevaga Ozarbayjon xalq artisti, O‘zbekiston xalq artisti Аbduhoshim Ismoilov hamda O‘zbekistonda xizmat ko‘rsatgan artist Kamoliddin O‘rinbayevga “Do‘stlik” ordeni berildi.

“Bu nafaqat Ozarbayjon davlatining o‘zbek sanʼatkorlariga bo‘lgan eʼtibori, balki ozar xalqining o‘zbek xalqiga bo‘lgan mehri va hurmati ifodasi, desam xato bo‘lmaydi. 

Mukofotlanganlarni yana bir bor qutlab, o‘zbek sanʼati va madaniyatini dunyoga keng yoyishda qo‘shgan va qo‘shayotgan hissalari uchun samimiy minnatdorlik bildiraman”, — deydi madaniyat vaziri.