Рим папаси Франциск Украинадаги можарони ҳал қилиш учун креатив ечимлар топиш зарурлигини маълум қилди, деб хабар берди унинг матбуот хизмати.
“Европага тавба ва муҳаббат билан қарай туриб, сўрамоқчиман: тинчлик йўлларини изламасангиз, Украинадаги жанговар ҳаракатларни ва бутун дунё бўйлаб кўплаб қонли можароларни тўхтатишнинг креатив йўлларини таклиф қилмасангиз, нима қилиб юрибсиз?” — деди понтифик Португалияга ташрифи чоғида.
Унинг қўшимча қилишича, у “дунёнинг кўп жойларида болаларнинг келажагига эмас, балки қурол-яроғга доимий равишда инвестициялар киритилаётганидан” хавотирда.
Рим папаси ноқонуний иммиграция мавзусига ҳам тўхталиб, “Эй Ғарб ва Шарқ, қаёққа кетяпсан, қарияларни рад этиб, тиканли симлардан деворлар ўрнатиб, денгиздаги кўп сонли ўлимлар ва бўш бешиклар билан?” деган саволни берди.
Июль ойида Рим папасининг элчиси кардинал Маттео Зуппи Вашингтонга ташриф буюриб, АҚШ президенти Жо Байден билан учрашув ўтказган ва унда Украинадаги вазият муҳокама қилинган эди.
Изоҳ (0)