Канада идоралараро ўрмон ёнғинлари маркази маълумотларига кўра, ҳукумат мамлакатда 1025 та ўрмон ёнғинини қайд этган, ёниб кетган ҳудудлар майдони 13 миллион гектарга етган.
Июль ойи якуни бўйича ўрмон ёнғинлари сони 991 тани ташкил этди. Айни пайтда 1025 та ёнғин ўчоғидан 646 таси назоратга олинмаган, 167 таси ўчирилган, 212 таси ўраб олинган. Энг кўп ўрмон ёнғинлари Британия Колумбияси провинциясида қайд этилган.
Аввалроқ табиий офатга қарши курашда икки нафар ўт ўчирувчи ҳалок бўлгани хабар қилинганди. Расмийлар ҳозирги ўрмон ёнғинлари мавсумини Канада тарихидаги энг даҳшатлиси деб аташган.
Мамлакатдаги ўрмон ёнғинларини бартараф этиш учун 10 та давлатдан — Австралия, Испания, Коста-Рика, Мексика, Янги Зеландия, Португалия, АҚШ, Франция, Чили ва Жанубий Африкадан камида 1,8 минг хорижий ўт ўчирувчилар жалб қилинган. Ўт ўчиришда Канада қуролли кучлари ҳам иштирок этмоқда. Ҳаммаси бўлиб беш мингга яқин одам ёнғинни ўчиришда иштирок этмоқда.
Изоҳ (0)