Турк сериалларидаги саундтреклар, мусиқалар — алоҳида санъат тури. Кўпгина турк мухлислари учун мусиқа Туркияда яратилган телекўрсатувлар ва фильмларнинг ажралмас қисми. Сериалларга мусиқа ёзган кўплаб турк композиторлари нафақат ўз ватанларида, балки хорижда ҳам машҳур бўлган. Улардан бири эса машҳур турк сериалларига мусиқа ёзган бастакорлардан бири — Тойгар Ишикли ҳисобланади.
.jpg)
Сценарий муаллифлари ҳис-туйғуларнинг таъсирини кучайтириб, лойиҳанинг ҳар бир саҳнаси учун мос келадиган мусиқани диққат билан кўриб чиқади. Мусиқа нафақат давом этаётган воқеалар учун фон, балки кўринмас иштирокчи бўлиб, қаҳрамонлар бошдан кечирган ҳис-туйғуларнинг бутун спектрини етказади, бу эса экранда содир бўлаётган воқеаларни идрок этишни кучайтиради. Бу ҳар бир саҳнанинг кайфиятини етказишга ёрдам беради, драмани, фожиани ифодалайди ёки уни романтик тарзда ўрнатади.
Лойиҳалар ижодкорлари халқ мусиқаси, мумтоз асарлар, замонавий эстрада ва рок композицияларидан фойдаланади, у ўзига хос муҳит яратади ва ўчмас ҳиссий таъсир кўрсатади.
Тойгар Ишикли ёзган мусиқалар узоқ вақт давомида теледастурлардаги энг севимли турк композициялари рўйхатида бўлган. Чунки дунёнинг энг машҳур оркестрларидан бири бўлган “Не Просто” оркестри ўз дастурига “Севги изтироби” туркумидаги мусиқаларни киритган. 2015 йилда эфирга узатилган, Бурак Ўзчивит, Неслиҳан Атагул ва Каан Урганжиўғлу иштирок этган “Севги изтироби” сериали учун Тойгар Ишикли томонидан басталанган мусиқа яқинда фильмлар, ўйинлардан саундтрекларни ижро этишга ихтисослашган дунёга машҳур Не Просто оркестри томонидан ижро этилди.
Сериалда сценарий, актёрлар таркиби, сюжетнинг динамик ва қизиқарли ривожи, режиссёр ва операторнинг иши муҳим, бироқ мусиқанинг ўрни ҳам бундан кам эмас.
Турк сериаллари тарихига номи зарҳал ҳарфлар билан битилган Тойгар Ишикли 57 та лойиҳага мусиқий асарлар ёзган.
Машҳур турк бастакори, мусиқа продюсери ва хонанда Тойгар Али Ишикли 1974 йилнинг 16 апрель санасида Голжик шаҳрида туғилган. У болалигидан оркестрда яккахон бўлган отаси туфайли мусиқага қизиқа бошлади. Тойгар болалар хорида қўшиқ куйлади, ўрта мактабда эса мусиқа билан жиддий шуғуллана бошлади, ўзининг мусиқий композицияларини яратиб, концертларда қатнашди.
Бастакор ўз гуруҳини тузди, у билан бирга концертлар берди, мусиқий композицияларини ижро этди.
Тойгар мактабни тугатгандан сўнг Мармара университетининг мусиқа таълими факультетига ўқишга кириб, хонандалик йўналиши бўйича бакалавр даражасини олиб, мусиқа таълимини давом эттирди.
У Истанбул университетидаги МIAM (Мусиқада илғор тадқиқотлар маркази)да композиция бўйича магистрлик даражасини олган. Ҳозирда бастакор Истанбул техника университетида мусиқашунослик ва мусиқа назарияси бўйича докторлик диссертациясини ҳимоя қилмоқда. Шунингдек Тойгар Ишикли “Беркли” мусиқа коллежида фильмларга овоз бериш бўйича таҳсил олган.
Таълим давомида у Ҳасан Учарсу, Камран Инче, Питер Снаппер, Девид Осбон, Шеҳвар Беширўғлу ва Наил Явузўғлу каби таниқли бастакор ва академиклар билан ҳамкорлик қилиш, жазз, 20-аср мусиқаси, мумтоз турк тили соҳаларида тадқиқот ва фаолият олиб бориш имконига эга бўлди.
Тойгар нафақат сериаллар учун мусиқа ёзган, балки Сибел Тузун, Ёнжа Лоди, Эмре Алтуғ, Ҳарун Колчак, Гулай, Ҳазал, Суави ва Эдип Акбайрам каби солистлар билан бас, аранжировкачи, бастакор ва қўшиқ муаллифи сифатида ҳам ишлаган.
2004 йилнинг бошида Тойгар “Гече Юруюшу” сериали учун мусиқа ёзгач, мусиқали кино саноатига кириб келди, кейинчалик “Олтин апелсин” маросимида мукофотни қўлга киритди. Шундан сўнг ижодкор энг кўп талабга эга, машҳур бастакорга айланди ва унинг карьерасида ўзгаришлар бўлди.
Унинг телесериалларга ёзилган кўплаб саундтреклари алоҳида компакт дисклар сифатида чиқарилган.
Бастакорнинг коллекциясига 57 та лойиҳа учун ёзилган мусиқалар киритилган. У “Хазонрезги” (2006—2010 йил), “Менекше ва Халил” (2007—2008 йил), “Тақиқланган севги” (2008—2010 йил), “Эзел” (2009—2010 йил), “Кузей Гуней” (2011—2013 йил), “Кара амаки” (2012—2015 йил), “Тўлқин” (2013—2015 йил), “Курт Сеит ва Александра” (2014 йил), “Пул ва гул ишқи” (2014—2015 йил), “Севги изтироби” (2015—2017 йил), “Менга қандай севиш кераклигини айт” (2016 йил), “Ичкарида” (2016—2017 йил), “Чуқур” (2017—2021 йил), “Қарға” (2019 йил) каби машҳур телесериаллар ва лойиҳаларга мусиқалар ёзган.
Рўйхатдаги кўплаб сериаллар учун бастакор турли танловларда “Энг яхши саундтрек” номинациясида мукофотларга сазовор бўлган.
Масалан, Тойгар Ишикли “Тўлқин” лойиҳаси устида ишлаганда умумий давомийлиги бир соатдан ортиқ бўлган 49 та композиция яратган.
Бастакорнинг томошабинлар танишган сўнгги асари “Пастга ва ташқарига” (2022 йил) ва “Оила” телесериаллари мусиқаси бўлиб, лойиҳа ҳозирда экранларида намойиш этилмоқда, унинг иккинчи мавсуми эса кузда премьера қилинади.
Туркиянинг БлуTV рақамли платформасида 2023 йилнинг 28 июлда бошланган янги “Магарсус” лойиҳасида Тойгар Ишикли мусиқаси ҳам намойиш этилади.
Тойгар Ишиклининг сўзларига кўра, унинг ажойиб композициялари остидаги илҳом манбалари — унинг оиласи, рафиқаси Айлин ва уларнинг қизи Назли. Улар бастакор ижодининг энг содиқ мухлислари. Тойгар ҳатто қизи Назли учун “Менекше ва Халил” сериалида янграган аллани ёзган.
Мусиқа — фильмларнинг алоҳида муҳитини яратиш ва томошабинларга таъсир кўрсатувчи кучли восита.
Турк киноси ушбу мамлакат маданияти ва анъаналарини акс эттирувчи турли оҳангларни тақдим этади, саундтреклар эса ўзига хос садо яратиб, кино асарларидан баҳраманд бўлишга салмоқли ҳисса қўшади.
Изоҳ (0)