Бухоро вилоятида ноқонуний йўллар билан АҚШга юборишни ваъда қилган шахс ушланди, деб хабар беради Бош прокуратура ҳузуридаги департамент.
Қайд этилишича, департаментнинг Бухоро вилоят бошқармаси томонидан ДХХ ходимлари билан ҳамкорликда тезкор тадбир ўтказилган. Тадбирда Д.Х. исмли шахс фуқаро Ш.С.ни 15 минг доллар эвазига танишлари ёрдамида Мексика давлати орқали Қўшма Штатларга жўнатишини айтиб, олдиндан 7,5 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
АҚШга юбориш ҳолатлари
Март бошларида Самарқанд шаҳрида 64 нафар фуқарони АҚШга юборишини айтиб, уларнинг 4 миллиард сўмини ўзлаштирганларга суд ҳукми ўқилганди. Шунингдек, Самарқандда Мексика орқали АҚШга юборишини айтиб, фуқародан 50 минг доллар сўраган шахс ушлангани, Самарқандда фуқарони 30 минг долларга АҚШга юбормоқчи бўлган ҳайдовчи қўлга олингани, Навоийда фуқарони АҚШга ишга юборишини айтиб, 800 доллар олган шахс ушлангани тўғрисида хабар берилганди.
Изоҳ (0)