Бировнинг пулини санаш — яхши иш эмас. Бироқ агар гап таниқли шахслар ҳақида кетса мухлислари уларнинг даромади қанча эканлиги ҳақида билишни истайди. Ғарбий ОАВлар Кардашян-Женнер оиласидаги энг бадавлат инсон кимлигини ҳисоблаб чиқди.
Оиладаги қизларнинг орасида “камтарона” ҳаёт кечирадиган уларнинг укаси Роб Кардашян ҳисобланади.
Роб шоу-бизнесга унчалик қизиқмайди, шунинг учун у америкалик ушбу оиланинг мухлисларига унчалик таниш эмас. Робнинг ҳозирги даромади 10 миллион долларни ташкил этади. Бу пулларни у “Кардашян оиласи” шоусида, “Роб ва Чайна” реалитй-сериали сёмкасида иштирок этиб топган.
Кендалл Женнер
Иккинчи ўринни 60 миллион доллар даромад билан Кендалл Женнер эгаллаб турибди. Кендал даромадининг асосий қисмини унинг мода саноатидан оладиган маоши ташкил этади. Кендалл бир неча йиллардан буён жаҳонга таниқли брендлар билан ҳамкорлик қилиб келади.
Хлое Кардашян
Хлое Кардашяннинг даромади ҳам 60 миллион долларни ташкил қилади. У маълум бир соҳада фаолият юритмаса-да, турли реалитй-шоулардаги иштироки унга катта даромад келтирган.
Кортни Кардашян
Кортни Кардашян Хлоя каби оиласи иштирокидаги реалитй-шоулардан яхшигина пул ишлаб топади. Унинг даромади ҳозирги кунда 65 миллион долларни ташкил этмоқда. Кортни “Кардашян оиласи” реалитй-шоусининг продюсери ҳам ҳисобланади. Шунингдек, у мотивация, фитнесс ва гўзаллик ҳақидаги платформа — Poosh’га асос солган.
Крис Женнер
Машҳурлар оиласининг онаси — Крис Женнернинг даромади ҳам кун сайин ортиб бормоқда. Унинг ҳозирги иқтисодий ҳолати — 170 миллион долларга баҳоланган. Крис фарзандларининг менеджери ҳисобланади, у қизларининг даромадидан фоиз олади. Шундай бўлса-да, Крис пул топишда қизларидан ўтиб кета олмайди.
Масалан унинг кенга қизи Кайли Женнернинг даромади 700 миллион долларни ташкил этади. Кайли ёшлигиданоқ бизнес билан шуғулланади. У 19 ёшида ўзининг бюти-империяси — Kylie Cosmetics’га асос солган. Бироқ опа-сингиллар ичида у энг бадавлати эмас.
Ким Кардашян
Кардашянлар орасида энг бадавлат инсон — Ким Кардашян ҳисобланади. Унинг даромади 1,7 миллиард долларни ташкил этади. Кимнинг миллиардлари сония сайин ортиб бормоқда. У бу пулларни машҳур брендлар билан шартномалар ва ўзининг шахсий бизнеси орқали ишлаб топади.
Изоҳ (0)