Қашқадарё вилоятининг Қамаши тумани ҳокими вазифасини бажариб келган Тоғаев Ботир Нормаҳмадович Қишлоқ хўжалиги вазирининг биринчи ўринбосари лавозимига тайинланди. Бу ҳақда Қашқадарё вилояти ҳокимлиги ахборот хизмати хабар берди.
Таъкидланишича, Ботир Тоғаевни ушбу лавозимга тайинлаш бўйича бугун, 31 июль куни президент қарори қабул қилинган.
Ботир Тоғаев 1976 йил Китоб туманида туғилган бўлиб, 2001—2015 йиллар давомида вилоятнинг Шаҳрисабз, Китоб ва Касби туманларида қишлоқ ва сув хўжалиги соҳаларида ишлаган. 2020 йилгача эса Вазирлар Маҳкамаси Аграр ва озиқ-овқат соҳаларини ривожлантириш масалалари котибият мудири лавозимида самарали фаолият олиб борган. 2020 йил октябрь ойида Қашқадарё вилоятининг Қамаши туманига ҳоким этиб тайинланганди.
Изоҳ (0)