“Барселона” Усмон Дембеле жамоани тарк этса, “ПСЖ”га қарши уруш эълон қилишга тайёр.
Агар парижликлар вингернинг 50 миллион товон пулини (1 августдан товон пули икки карра ошади) тўламоқчи бўлса, “Барселона” УЕФАга мурожаат қилмоқчи. Клуб “ПСЖ”нинг молиявий фейр-плей қоидаларини бузаётган бўлиши мумкинлигидан шубҳаланмоқда. “Барселона” УЕФАдан Париж клуби пулни қаердан олаётганини аниқлаштиришини сўрайди, деб хабар бермоқда Mundo Deportivo.
Қайд этиб ўтиш жоиз, парижликларнинг Дембеле билан музокараларга рухсат беришни сўраб ёзган хатига “Барселона” қатъий тарзда футболчининг сотилмаслигини маълум қилган.
“Барселона” клуби президенти Хоан Лапорта ва директор Матеу Алемани шанба куни фавқулотда йиғилиш ўтказган ва Усмонга у Хави режасининг муҳим қисмилигини тушунтирган. Якшанба куни бош мураббийнинг ўзи Дембеле билан суҳбатлашиб, уни жамоанинг асосий футболчиларидан бири эканлигига ишонтиришга уринган.
“Барселона”нинг бу уринишларига жавобан “ПСЖ” футболчи билан шахсий шартномадаги маошни икки бараварга оширган. Қарор қабул қилиш эса футболчининг ўзида қолган.
26 ёшли ўнг қанот вингери ўтган мавсум 35 та ўйинда майдонга тушиб, 8 та гол ва 9 та голли узатмани амалга оширган.
Изоҳ (0)