Ўртоқлик ўйинлари. Манчестер клубларида мағлубият, “Челси” ва “Ливерпуль” ғалаба қозонди

Европанинг қатор футбол клублари назорат ўйинларида иштирок этди.

“Манчестер Юнайтед” ва “Боруссия Д” клублари АҚШда ўзаро тўқнаш келди. Аввалига Диогу Далот 24-дақиқада инглиз клубини олдинга олиб чиқди. Бунга немислар бўлим сўнгида Дониэлл Маленнинг дубли билан жавоб қайтарди.

Иккинчи бўлим дебютида Антони ҳисобни тенглаштирди. 71-дақиқада эса Юсуфа Мукоко Дортмунд клубига ғалаба келтирган гол муаллифига айланди.

“Ливерпуль” ва “Лестер” Сингапурда ўртоқлик ўйини ўтказди. Унда мерсисайдликлар йирик ҳисобдаги ғалабани қўлга киритди. “Қизиллар”нинг голларига Дарвин Нуньес, Бобби Кларк, Диогу Жота ва Бен Доук муаллиф бўлди.

“Манчестер Сити” Сеулда ўтган ўйинда “Атлетико”га ютқазиб қўйган бўлса, “Челси” Америкада ўтган баҳсда ҳамшаҳари “Фулҳэм”ни енгди.

Ўртоқлик ўйинлари

31 июль, душанба

“Манчестер Юнайтед” – “Боруссия Д” 2:3

Голлар: 1:0 – 24 Диогу Далот, 1:1 – 43 Мален, 1:2 – 44 Мален, 2:2 – 52 Антони, 2:3 – 71 Мукоко.

“Ливерпуль” – “Лестер” 4:0

Голлар: 1:0 – 30 Нуньес, 2:0 – 35 Кларк, 3:0 – 38 Диогу Жота, 4:0 – 64 Доук.

“Манчестер Сити” – “Атлетико” 1:2

Голлар: 0:1 – 66 Депай, 0:2 – 74 Карраско, 1:2 – 85 Рубен Диаш.

“Челси” – “Фулҳэм” 2:0

Голлар: 1:0 – 20 Сильва, 2:0 – 41 Нкунку.