“Барселона” футболчиси Усмон Дембеле фаолиятини “ПСЖ”да давом эттириши мумкин.
Mundo Deportivo нашрининг хабарига кўра, Дембеленинг ўзи ҳам, унинг агенти ҳам раҳбариятга кетиш қарори ҳақида айтмаган. Лекин каталонияликлар “ПСЖ”дан таклиф келиб тушганини билади. Шунга қарамай, “кўк-анорранглилар” Усмонни қўйиб юборишни истамайди. Агарда парижликлар футболчи учун таклиф қилинаётган нархни оширса, ўйлаб кўриши мумкин.
Дембеленинг ўзи ҳам бир неча жамоадошларига “ПСЖ”га ўтаётгани ҳақида маълум қилган.
Футболчини “Барселона” таклиф қилган янги шартнома шартлари қониқтирмаган. Усмоннинг агентлари мижозининг маоши 6-7 миллион еврога ошиши ва қўшимча бонуслар қўшилишини хоҳламоқда. Раҳбарият эса молиявий вазият туфайли бу шартларни қабул қила олмайди.
Шунингдек, “Барселона” футболчини Париж клуби аъзосига рокировка қилиши ҳам мумкин. L’Equipe нашрига кўра, каталонияликлар Килиан Мбаппе учун Дембеле ва Гавини таклиф қилган. Бироқ ҳали бу борада музокаралар олиб борилгани йўқ.
“ПСЖ” 1 августга қадар трансферни расмийлаштиришни истамоқда. Чунки августга қадар Усмоннинг товон пули 50 миллион еврони ташкил қилади. Кейин эса икки бараварга ошади.
Усмон Дембеле 2022/23 йилги мавсум Ла Лигада 25 та ўйинда майдонга тушиб, 5 та голга муаллифлик қилганди.
Изоҳ (0)