Суперлига. “Навбаҳор” сафарда ғалаба қозониб, 1-ўринга қайтди. “Бунёдкор” ўз уйида “Сўғдиёна”га ютқазди

Футбол бўйича Ўзбекистон Суперлигасининг 14-туридан ўрин олган иккита учрашув 30 июль, якшанба куни бўлиб ўтди.

“Навбаҳор” сафарда “Қизилқум”га қарши майдонга тушди. Ўйин дебютида наманганликлар Жамшид Болтабоевнинг голи эвазига олдинга ўтиб олди. Орадан кўп ўтмай “Қизилқум” вакиллари мувозанатни тиклади — Ислом Кенжабоев пенальтини аниқ амалга оширди.

Танаффус арафасида водий клуби иккинчи голни уриши мумкин эди, бироқ Жасур Яхшибоев пенальтидан унумли фойдалана олмади. 60-дақиқада Яхшибоев ўз хатосини тўғрилаган ҳолда, жамоасини яна олдинга олиб чиқди. Қолган вақтда ҳисоб ўзгармади.

“Бунёдкор” ўз майдонида “Сўғдиёна”ни қабул қилди. Учрашувнинг 12-дақиқасида Жавоҳир Қаҳрамонов меҳмонларни олдинга олиб чиққан бўлса, бўлим сўнгида Зенан Займович ҳисобни ишончли кўринишга олиб келди. Иккинчи бўлимда дарвозалар дахлсиз қолди.

14-турдан кейин мусобақа жадвали қуйидаги кўринишни олди:

Суперлига

14-тур баҳслари

30 июль, якшанба

“Қизилқум” – “Навбаҳор” 1:2

Голлар: 0:1 – 3 Болтабоев, 1:1 – 14, пенальти Кенжабоев, 1:2 – 60 Яхшибоев.

“Бунёдкор” – “Сўғдиёна” 0:2

Голлар: 0:1 – 12 Қаҳрамонов, 0:2 – 44 Займович.