Россия президенти Владимир Путин туркиялик ҳамкасби Ражаб Тоййиб Эрдўғон билан ғалла келишувига қайтиши имкониятларини муҳокама қилишдан бош тортди. Бу ҳақда дипломатларга таяниб, Wаll Street Journal хабар берди.
WSJ суҳбатдошларининг таъкидлашича, Россия президенти қўнғироқларга жавоб бермаслиги ноодатий ҳолат.
“Эрдўғон телефон қўнғироғи ҳали амалга оширмаган бўлса-да, Туркия расмийлари Кремлга бошқа каналлар орқали босим ўтказишда давом этмоқда”, — дейди дипломатлар.
Таъкидланишича, Эрдўғон Россия расмийларини “ғазаблантирганидан” кейин Россия ғалла шартномасини узайтиришдан бош тортган.
Июль ойида Эрдўғон Россия билан келишув шартларига кўра уруш тугагунига қадар Туркияда қолиши керак бўлган Азов қўмондонларини Украинага қайтаришга қарор қилган.
Бундан ташқари, таҳлилчилар ва дипломатлар Эрдўғон Швециянинг НАТОга киришини маъқуллаганини таъкидлади.
Сўнгги ҳафталарда Эрдўғон Путин билан Украина озиқ-овқат маҳсулотларини Қора денгиздаги портлардан экспорт қилишга рухсат берувчи келишувни янгилаш ҳақида гаплашмоқчи эканини айтди.
Туркия собиқ дипломати ва Истанбулдаги Эдам таҳлил маркази директори Синан Улгенга кўра, бу ўзгаришлар Туркия сиёсатидаги ўзгаришлардан дарак бериши мумкин.
“Ҳозир биз Туркия-Россия муносабатларининг бошқа босқичида турибмиз, бу вақтда Эрдўғон Путинга камроқ, Путинга эса Эрдўғонга кўпроқ керак”, — дея қўшимча қилди Улген.
Изоҳ (0)