Турк киносининг энг кўп гонорар тўланадиган актёрлари

Келишган ва машҳур турк актёрлари жуда катта гонорар олишини кўпчилик билади. Уларнинг ҳаёти эртакка ўхшайди. Яхталар, ҳашаматли уй, қимматбаҳо брендлар томонидан яратилган кийимлар: буларнинг барчаси катта маблағни талаб қилади. Туркиянинг энг машҳур юлдузлари ҳам бу пулларни осонликча топмайди, улар меҳнатига яраша даромад олади.

Маълум бўлишича, энг яхши актёрлар учун минимал гонорар ҳар бир эпизод учун 3700 долларни, ҳар бир сериал учун максимал гонорар эса 18 800 долларни ташкил қилади. Бироқ бундан фарқ қиладиган ҳолатлар ҳам мажуд.

Чагатой Улусой

Турк актёри Чагатой Улусой энг кўп гонорар олган актёрлар рўйхатида етакчи ҳисобланади.

Netflix билан тузилган шартнома актёрга яхши даромад келтирди, “Ҳимоячи” сериалининг бир эпизодида суратга тушгани учун унга 37 300 доллар тўланган. Тўловнинг тўлиқ миқдорини тасаввурга сиғдириш бир оз қийин.  

Кенан Имирзалиўғлу

Кенан Имирзалиўғлу “Эзел” сериалидаги роли орқали машҳурликка эришган, бироқ актёрнинг бу роли унга катта даромад олиб келмади. Кенанга “Меҳмет — дунё фатҳчиси” лойиҳасидаги роли учун катта гонорар берилди. У сериалнинг ҳар битта қисмидаги иштироки учун 27 700 доллар олган.

Бурак Ўзчивит

Бурак Ўзчивит Туркиянинг энг машҳур актёрлардан бири. У “Муҳташам юз йил”, “Севги изтироби” сериалларида суратга тушганидан кейин машҳурликка эришди, бироқ актёр фаолияти давомидаги энг катта гонорарни “Қурилиш: Усмон” лойиҳасидаги роли учун олган. Лойиҳанинг ҳар бир эпизодида иштирок этгани учун унга 25 500 доллар гонорар тўланган.

Энгин Алтан Дузятан

Энгин Алтан Дузятан бошқа турк актёрларидан ҳеч қайси жиҳати билан ажралиб турмас эди, бироқ у “Эртугрул” лойиҳасида рол ўйнагач, ҳаммаси ўзгарди. Сериалнинг ҳар бир қисмидаги роли учун Энгинга 21 000 доллар гонорар берилди, яъни у Туркиянинг энг машҳур актёрларидан бири Бурак Ўзчивитнинг гонораридан кам даромад олмади.