Британияда ўқитувчилар иш ташлаш эълон қилиб, факультет имтиҳонлари ва диссертацияларга баҳо қўйишдан бош тортмоқда. Масалан, Кембриж талабалари кейинги ўқув йили бошлангунга қадар якуний баҳоларини олмасликлари ҳақида огоҳлантирилган.
Шунингдек, Эдинбург университети талабаларига университетлар ва коллежлар иттифоқининг иш ташлаш ҳақидаги қарори туфайли диссертация натижалари кечикиши мумкинлиги ҳақида хабар берилган.
Букингем университети қошидаги Таълим ва бандликни тадқиқ қилиш маркази директори Алан Смитерснинг айтишича, академиклар томонидан талабаларнинг ўз фаолиятини давом эттиришига тўсқинлик қилиш “масъулиятсизликдир”.
“Бу талабалар учун жуда оғир ва адолатсиз қарор. Университетлар вазиятни ҳал қилишнинг яхшироқ йўлини топа олмагани ачинарли ҳолат”, — дея қўшимча қилди у.
Кембриж талабаларининг Варситй газетаси хабар қилишича, агар низо ижобий ҳал этилмаса, сиёсат, халқаро тадқиқотлар ва социология фанлари бўйича якуний баҳолар 30 сентябрдан кейин қўйилиши ҳақида талабалар огоҳлантирилган.
Битирувчиларни ишга олиш бўйича маслаҳатчи бўлган Градуате Recruitмент Буреау асосчиларидан бири Ден Хоузнинг айтишича, талабалар “аросат”да қолиб кетиши хавфи бор. Касаба уюшмаси бойкот туфайли 500 мингдан ортиқ талаба ўқишни битира олмаётгани ҳақида маълум қилган.
Иш ташлашлар жорий йилнинг 20 апрель куни 145 та университетда ходимларнинг маоши ва меҳнат шароитларидан норозилиги сабабли бошланган. Бойкот иш берувчилар ўқитувчилар учун яхшиланган таклиф киритмагунча давом этиши маълум қилинган.
Изоҳ (0)