2022 йил декабрь ойида Олмаота шаҳрида бўлиб ўтган тезкор шахмат ва блиц бўйича жаҳон чемпионатида ҳижобсиз иштирок этган эронлик шахматчи Сара Хадемга Испаниянинг фахрий фуқаролиги берилди. Бу ҳақда 27 июль куни Reuters ёзмоқда.
Спортчи мусобақада ҳижобсиз қатнашиш орқали Эрон ҳукуматига қарши кузда бўлиб ўтган норозилик намойишларини қўллаб-қувватлаган эди.
Эронда бутун мамлакат бўйлаб намойишлар 2022 йил сентябрь ойи ўрталарида 22 ёшли Маҳса Аминийнинг ўлими ортидан бошланган. Қиз ҳижоб ўраш қоидаларини бузгани учун ахлоқ полиция томонидан қўлга олинган ва маҳкамада вафот этган. Мухолифатчи фаолларнинг сўзларига кўра, полиция Аминийни калтаклаган, бироқ Эрон расмийлари қизда инсулт бўлганини даъво қилмоқда.
26 ёшли Хадем Қозоғистондаги мусобақа пайтида ҳукуматга қарши намойишларни қўллаб-қувватлаганидан афсусланмаслигини айтди. Агар спортчи Эронда бўлганида жамоат жойига ҳижобсиз чиққани учун ҳибсга олинган бўларди.
Мусобақадан кейин Эрон шахмат федерацияси Хадемдан юз ўгирди.
“Хадем чемпионатга Эрон федерацияси орқали эмас, балки мустақил, ўз ҳисобидан борди. У бизнинг мамлакатимизга вакиллик қилмайди”, — деган ислом республикаси шахмат федерацияси раҳбари Ҳасан Таминий.
Эронда уч ойлик намойишлар натижасида аёллар учун ҳисоб қонуни юмаштилди, аммо расмий равишда ислом республикасида мажбурий ҳижоб ўраш ҳақидаги қонун ҳалигача бекор қилинмади. Аксинча, 16 июлдан бошлаб Эрон ахлоқ полицияси қайта иш бошлади.
Изоҳ (0)